Hryðjuverkaógnin sameinar, loftslagsmál skilja í sundur

Trump fagnar þjóðhátíðardegi Frakklands með Macron í París í dag. Þeir virðast vera orðnir mestu mátar.

Emmanuel Macron tók á móti Donald Trump í Frakklandi í gær. Trump fylgist með hátíðarhöldum í París á þjóðhátíðardegi Frakka í dag.
Emmanuel Macron tók á móti Donald Trump í Frakklandi í gær. Trump fylgist með hátíðarhöldum í París á þjóðhátíðardegi Frakka í dag.
Auglýsing

Don­ald Trump, for­seti Banda­ríkj­anna, er í opin­berri heim­sókn í Frakk­landi þar sem hann fund­aði með nýkjörnum for­seta Frakk­lands, Emmanuel Macron, í gær. Don­ald og Mel­ania Trump munu fagna Bastillu-deg­in­um, þjóð­há­tíð­ar­degi Frakk­lands, í dag ásamt frönsku for­seta­hjón­un­um.

Á blaða­manna­fundi eftir tveggja klukku­stunda langan fund þeirra í Élysée-höll und­ir­strik­aði Macron ágrein­ing Frakk­lands og Banda­ríkj­anna í lofts­lags­málum en sagði ríkin ætla að vinna saman gegn hryðju­verkaógn­inni í heim­in­um.

Handaband leiðtoga Bandaríkjanna og Frakklands var ekki eins vandræðalegt og þegar þeir hittust fyrst í Belgíu, fyrr á þessu ári.

Trump neydd­ist til þess að eyða þó nokkrum tíma í að verja son sinn, Don­ald Trump yngri, vegna fundar hans með rúss­neskum lög­manni í aðdrag­anda for­seta­kosn­ing­anna í Banda­ríkj­unum í fyrra. Trump yngri leysti frá skjóð­unni á Twitter nýverið þar sem hann birti öll tölvu­póst­sam­skipti sín. Fjöl­miðlum vest­an­hafs þykja póst­arnir varpa nýju ljósi á sam­skipti kosn­inga­bar­áttu Trump við rúss­neska sendi­full­trúa.

Á blaða­manna­fund­inum í Frakk­landi gaf Banda­ríkja­for­seti í skyn að sér gæti enn snú­ist hugur varð­andi útgöngu Banda­ríkj­anna úr Par­ís­ar­sam­komu­lag­inu. „Eitt­hvað gæti gerst hvað varðar Par­ís­ar­sam­komu­lag­ið. Við sjáum hvað set­ur. Við munum tala um það á næstu miss­erum,“ sagði Trump áður en hann dró í land. „Ef það ger­ist þá verður það dásam­legt, ef það ger­ist ekki þá verður það allt í lagi lík­a.“

Auglýsing

Ánægður með her­sýn­ingu

Trump kom til Frakk­lands í gær, fimmtu­dag. Hans beið stór her­sýn­ing í her­stöð­inni í Les Invalides þar sem Macron og Trump tóku út hern­að­ar­mátt Frakk­lands.

Miðað við lýs­ingar breska dag­blaðs­ins The Guar­dian virt­ist þetta hafa kætt banda­ríska for­set­ann sem hefur sjálfur sagst vera mik­ill herkall. Trump klapp­aði Macron reglu­lega á bakið og tók ítrekað í hönd­ina á hon­um.

Macron virð­ist ætla að beita þess­ari aðferð í sam­skiptum sínum við leið­toga erlendra stór­velda; Und­ir­strika ríka sögu og mátt Frakk­lands með stæl. Vla­dimír Pútín fékk í það minnsta sömu með­ferð þegar hann heim­sótti Macron. Þessar sýn­ingar eru ekki síður handa íbúum Frakk­lands og Evr­ópu.

Það fór betur á með þessum nýkjörnu for­setum í Frakk­landi en í Belgíu fyrr á þessu ári þar sem stíft handa­band þeirra varð að umtals­efni. Trump leið greini­lega vel í sam­fylgd með Macron og bauð honum far í bryn­vörðum for­seta­bílnum sem kall­ast „The Beast“, eða Skepnan.

Trump var ekki aðeins ánægður með hern­að­ar­mátt Frakk­lands. Þegar Don­ald og Mel­ania fylgdu Emmanuel og Brigitte um sögu­fræga staði snéri Trump sér við á einum tíma­punkti og sagði við Brigitte: „Þú ert í svo góðu formi.“ „Dá­sam­leg“. Hann snéri sér þá að eig­in­manni hennar Emmanuel og sagði: „Hún er í svo góðu formi.“



Utanríkisráðherra skipar í nýtt útflutnings- og markaðsráð
Fjöldi fólks úr atvinnu- og stjórnmálalífi mun vinna að útflutnings- og markaðsmálum.
Kjarninn 22. febrúar 2019
Miðflokksmenn ætla að fara fram á að kosið verði aftur í nefndir Alþingis
Sigmundur Davíð Gunnlaugsson, formaður Miðflokksins, biður flokksmenn um að taka vel á móti Karli Gauta Hjaltasyni og Ólafi Ísleifssyni.
Kjarninn 22. febrúar 2019
Stefanía G. Halldórsdóttir og Björgvin Ingi Ólafsson
Vinnum við íslenskuslaginn?
Kjarninn 22. febrúar 2019
Tæknivarpið
Tæknivarpið
Tæknivarpið – Nova prófar 5G og ný Samsung Galaxy S-lína kynnt
Kjarninn 22. febrúar 2019
Vilja að bannað verði að nota pálmaolíu í lífdísil á Íslandi
Lögð hefur verið fram þingsályktunartillaga á Alþingi um að bannað verði að nota pálmaolíu í framleiðslu lífdísils á Íslandi. Eftirspurn eftir pálmaolíu hefur aukist gríðarlega en framleiðslunni fylgir aukin eyðing regnskóga og losun gróðurhúsalofttegunda
Kjarninn 22. febrúar 2019
Lestrarklefinn
Lestrarklefinn
Lestrarklefinn – Smásagnafebrúar
Kjarninn 22. febrúar 2019
Ólafur og Karl Gauti ganga til liðs við Miðflokkinn
Tveir fyrrverandi þingmenn Flokks fólksins, sem voru reknir þaðan eftir Klaustursmálið, hafa gengið í Miðflokkinn.
Kjarninn 22. febrúar 2019
Drífa Snædal,
Drífa Snædal: Mikil er ábyrgð þeirra sem hafa leyft misréttinu að aukast
Drífa Snædal, forseti ASÍ , segir að nú stefni í hörðustu átök á vinnumarkaði í áratugi og ábyrgðin sé þeirra sem hafi leyft misréttinu að aukast á síðustu árum þannig að hagsældin hér á landi hafi ekki skilað sér til allra.
Kjarninn 22. febrúar 2019
Meira úr sama flokkiErlent