Kyn­­ferð­is­of­beldi inn­­an kaþ­ólsku kirkj­unn­ar er enn á ný komið upp á yf­ir­­borð­ið, eftir að þýsk rann­­sókn­­ar­­nefnd kom­st að því að minnst 547 dreng­ir í þýsk­um kór­­skóla hafi verið beitt­ir kyn­­ferð­is­­­legu- eða lík­­am­­legu of­beldi. Í umfjöllun rann­sókn­ar­nefnd­ar­innar segir að margir þeirra hafi upp­lifað vist­ina innan kirkj­unnar sem hel­víti á jörð­u. 

Ofbeldið átti sér stað hjá Reg­ens­burger Dom­spatzen drengja­kórnum og einnig í skóla­starfi, að því er segir í umfjöllun breska rík­is­út­varps­ins BBC um níð­ings­verkin og skýrslu rann­sókn­ar­nefnd­ar­inn­ar. 

Í það minnsta 49 prestar beittu börn ofbeldi yfir ára­tuga­tíma­bil, frá 1945 til 1990. Ofbeldið var þaggað niður innan kirkj­unn­ar, en málið svipar mikið til ann­arra mála sem komið hafa upp innan kaþ­ólsku kirkj­unn­ar, víðs vegar um heim­inn. 



Lög­mað­ur­inn Ulrich Weber, sem stýrði rann­sókn­inni, sagði á kynn­ing­ar­fundi vegna máls­ins að lík­lega væru fórn­ar­lömb ofbeldis af hálfu presta kaþ­ólsku kirkj­unnar mun fleiri, eða allt að 700.