Gjald­þrota­beiðnir á öðrum árs­fjórð­ungi 2017  voru um 55% færri en fyrir ári síð­an. Á sama tíma­bili fækk­aði nýskrán­ingum fyr­ir­tækja einnig um 11%. Þetta kemur fram í nýbirtum tölum Hag­stofu. 

Töl­urnar sýna að dregið hafi úr hrær­ingum á fyr­ir­tækja­mark­aði miðað við árið 2016. Nýskrán­ingar einka­hluta­fé­laga í apr­íl, maí  og júní voru 689, en til sam­an­burðar voru þær 771 á vor­mán­uðum í fyrra. Mest fækk­aði nýskrán­ingum í land­bún­aði, skóg­rækt og fisk­veið­ar, en næst mest á sviði upp­lýs­inga og fjar­skipta. 

Sam­hliða færri nýskrán­ingum hefur gjald­þrota­beiðnum fækkað stór­lega á einu ári. Á öðrum árs­fjórð­ungi 2017 voru 157 fyr­ir­tæki tekin til gjald­þrota­skipta miðað við 352 í fyrra, en það jafn­gildir 55% fækk­un. Athygli vekur að sam­hliða færri nýskrán­ingum fækk­aði gjald­þrotum einnig mikið á meðal fyr­ir­tækja á sviði upp­lýs­inga og fjar­skipta, eða um 69%.

Tölur Hag­stofu benda til þess að atvinnu­líf sé að róast frá árinu á und­an, en árið 2016 var fimm ára met slegið í fjölda nýskráðra fyr­ir­tækja og þriggja ára met í fjölda gjald­þrota­skipta. Nýbirtar tölur fyrir 2017 eru meiri í takt við þróun fyrri ára heldur en töl­urnar frá því í fyrra, eins og sést á mynd hér að ofan.