Hlut­fall veð­töku í skráðum hluta­bréfum í gegnum reikn­ing í kerfi Kaup­hallar Íslands var 11,41 pró­sent í lok júlí síð­ast­lið­ins. Það er umtals­vert hærra hlut­fall veð­setn­ingar en var mán­uði áður, þegar hlut­fallið var 9,97 pró­sent. Hlut­fallið nú er einnig hærra en það hefur verið í lok árs 2014, 2015, og 2016. Þetta kemur fram í mark­aðstil­kynn­ingu frá Kaup­höll Íslands í morg­un.

Upp­lýs­ingar um með­al­veð­setn­ingu hluta­bréfa á mörk­uðum Kaup­hallar Íslands gefa vís­bend­ingar um hversu umfangs­mikil skuld­setn­ing fjár­festa á hluta­bréfa­mark­aði er. Gögnin sýna ein­ungis beina þar sem veð í hluta­bréfi hefur verið skráð í reikn­ing í kerfi Kaup­hall­ar­inn­ar. Þau taka því hvorki til­lit til þess að lán­veit­andi geti haft veð í öllum eigum lán­tak­anda, þar á meðal hluta­bréf­um, né inni­halda þau upp­lýs­ingar um óbeinar veð­tökur með gerð fram­virkra samn­inga eða ann­arra afleiðna. Gögnin veita heldur ekki neinar upp­lýs­ingar um veð­þekju.

Kaup­höllin ákvað að birta upp­lýs­ingar um heild­ar­veð­setn­ingu á íslenska hluta­bréfa­mark­aðnum í síð­asta mán­uði. Í til­kynn­ingu frá henni vegna þessa kom fram að upp­lýs­ing­arnar gætu veitt „ákveðnar vís­bend­ingar um umfang skuld­setn­ingar á hluta­bréfa­mark­aði, þ.e. hversu mikið fjár­festar hafa fengið að láni til að kaupa í skráðum félög­um. Hækk­andi skuld­setn­ing getur verið til marks um aukna bjart­sýni á meðal fjár­festa og kann hóf­leg skuld­setn­ing því að vera túlkuð sem jákvæður fyr­ir­boði. Of mikil skuld­setn­ing getur aftur á móti verið litin nei­kvæðum augum af marg­vís­legum ástæð­um. Til að mynda hafa margir talið að aukin skuld­setn­ing geti orsakað hækkun eigna­verðs umfram raun­virði til skemmri tíma litið (bólu­myndun á mark­að­i). Að sama skapi getur mikil skuld­setn­ing gert það að verkum að áhrif nei­kvæðra atburða á hluta­bréfa­verð verði harka­legri en ella.“