Fast­eigna­fé­lagið Reg­inn hefur átt í við­ræðum við eig­endur dönsku hús­gagna- og bús­á­hald­ar­versl­un­ar­innar Ill­ums Bolig­hus um að opna verslun á Hafn­ar­torgi í mið­borg Reykja­vík­ur. Frá þessu er greint í Frétta­blað­inu í dag.

Helgi S. Gunn­ars­son, for­stjóri Reg­ins, vill ekki stað­festa það við blaðið að við­ræð­urnar standi yfir en full­yrt er í frétt þess að sam­komu­lag þess efnis sé enn ekki komið í höfn. Helgi segir hins vegar að rætt hafi verið við alls kyns aðila í Skand­in­avíu um að opna versl­anir á Hafn­ar­torgi. Versl­un­ar- og veit­ing­ar­rýmið á Hafn­ar­torgi í eigu Reg­ins á Hafn­ar­torgi er alls um 8.600 fer­metr­ar, en hús­næðið er nú í bygg­ingu. Það á að vera til­búið um mitt ár 2018. ÞEgar hefur verið greint frá því að H&M muni opna verslun þar. Þegar að þeirri opnun kemur verður H&M þegar búið að opna tvær aðrar versl­anir hér­lend­is, í Smára­lind og Kringl­unni.

Ill­ums Bolig­hus er ekki sama fyr­ir­tæki og Ill­um, sem rekur stór­verslun á Strik­inu og var um tíma í eigu Baugs Group og ann­arra íslenskra fjár­festa. Flagg­skips­verslun Ill­ums Bolig­hus er þó rekin í næsta húsi við Ill­um, en hún er um tíu þús­und fer­metrar að stærð.