Eini papp­írs­fram­leið­andi Íslands, Papco, hefur sagt upp sex manns, eða heilli vakt, vegna sam­dráttar sem orðið hefur í sölu, sér­stak­lega á kló­sett­papp­ír. Sam­drátt­ur­inn bein afleið­ing af opnun versl­unar Costco í Kaup­túni í Garðabæ í maí, en síðan þá nemur sam­dráttur í sölu á vörum Papco 20-30 pró­sent. Papco er eini fram­leið­andi kló­sett­papp­írs hér­lend­is. Sú fram­leiðsla er seld bæði undir vöru­merki Papco en einnig undir vöru­merkjum stærstu smá­sala lands­ins, t.d. Krón­unnar og Bón­us. Frá þessu er greint í Morg­un­blað­inu í dag.

Þar er rætt við Alex­ander Kára­son, sölu­stjóra neyt­enda­sviðs Papco. Hann segir Papco hafa reynt að kom­ast í sam­starf við Costco en beiðnum þess efnis hafi ekki verið svar­að. Sam­kvæmt athug­unum fyr­ir­tæk­is­ins sé Costco að selja sinn eigin kló­sett­papp­ír, sem fram­leiddur er undir merkjum Kirkland, á lægra verði hér­lendis en fyr­ir­tækið selur hann í Bret­landi. „Verðið sem fyr­ir­tækið býður hér á landi er undir kostn­að­ar­verði. Það er heims­mark­aðs­verð á papp­ír, og því er auð­velt að sjá hvernig í þessu ligg­ur. Ef við ætl­uðum að keppa við þetta verð eða fram­leiða pappír fyrir þá á þessu verði værum við að borga með vör­un­um.“

Hann segir að ódýr kló­sett­pappír sé oft not­aður til að „lokka fólk inn í versl­an­ir“. Það gæti verið á ferð­inni í til­felli Costco sem selji vör­una undir mark­aðsvirði. Þessi staða komi hart niður á ung­linga- og barna­starfi íþrótta­fé­laga sem selji kló­sett­pappír í fjár­öfl­un­ar­skyni.

Málið er einnig til umfjöll­unar í Frétta­blað­inu. Þar er rætt við Ric­hard Krist­ins­son, fram­kvæmda­stjóra­Mjallar Friggjar, sem fram­leiðir upp­þvotta­lög, þvotta­efni og aðrar hrein­læt­is­vör­ur. Hann seg­ist ekki ótt­ast að koma Costco hafi langvar­andi áhrif á rekstur fyr­ir­tæk­is­ins. Það sé lítið á neyt­enda­mark­aði.

Áhrif opn­unar Costco á Íslandi hafa verið gríð­ar­leg. Stærsti smá­sali lands­ins, Hag­ar, hefur tví­vegis sent frá sér afkomu­við­vörun frá því að Costco opn­aði og hluta­bréfa­verð í félag­inu hefur hrun­ið, og lækkað alls um 36 pró­sent. Í gær lækk­aði það aftur skarpt, um 4,2 pró­sent, og hefur nú ekki verið lægra í fjögur ár. Sú lækkun var, sam­kvæmt Frétta­blað­inu, rakin til frétta­flutn­ings um að þýska versl­un­ar­keðjan Aldi hafi áhuga á að opna verslun hér­lend­is.

Þá selur Costco sjötta hvern bens­ín­lítra sem seldur er á höf­uð­borg­ar­svæð­inu, en fyr­ir­tækið býður umtals­vert lægra verð en skráð verð sam­keppn­is­að­ila þess eru. Skráðu olíu­fé­lög­in, N1 og Skelj­ung­ur, birta hálfs­árs­upp­gjör sín á næstu vikum og mun þá koma í ljós hver skamm­tíma­á­hrif opn­unar Costco voru á rekstur félag­anna.