Olíu­fé­lagið N1 fer fram á að greiða lægra verð en tæp­lega 38 millj­arða fyrir allt hlutafé Fest­ar, næsta stærsta smá­sölu­fé­lags lands­ins, eins og gert var ráð fyrir í kaup­sam­komu­lag­i ­sem var und­ir­ritað í júní. Til­kynnt var um sam­komu­lagið til kaup­hall­ar.

Þar vegur þyngst að afkom­a Krón­unnar á und­an­förnum mán­uð­u­m hefur verið nokkuð und­ir­ ­á­ætl­un­um. Þetta kemur fram í Mark­aðnum í dag, og á for­síðu Frétta­blaðs­ins, en ekki kemur fram hversu mik­inn afslátt félagið vill fá.

Ef af verður yrði um að ræða einn stærsta sam­runa á íslenskum smá­l­sölu­mark­aði í seinni tíð.

Stjórn­endur N1 vísa til þess „að í samn­ing­unum séu leið­rétt­ing­ar­á­kvæði sem kveði á um að kaup­verðið skuli taka breyt­ing­um ­reyn­ist afkoma félag­anna ekki í sam­ræmi við helstu skil­mála ­kaup­sam­komu­lags­ins“ eins og orð­rétt segir í frétt Mark­að­ar­ins. 

Búist er við því að hagn­að­ar­sam­dráttur verði um 10 pró­sent, miðað við þær for­sendur sem lágu til­grund­vallar þegar til­kynnt var um sam­komu­lagið til kaup­hall­ar.

Þegar til­kynnt var um kaup N1 á öllu hlutafé Fest­ar, sem rekur meðal ann­ars versl­anir undir merkjum Krón­unnar og Elko, var reiknað með því að hagn­að­ur­inn yrði ríf­lega 2,1 millj­arður króna, sam­kvæmt til­kynn­ingu til kaupa­hall­ar. 

Eftir inn­komu Costco á mark­að, fyrr á árinu, þá hefur hins vegar orðið sam­dráttur hjá Krón­unni, en heldur meiri verslun hefur verið í Elko en reiknað var með. 

Mark­aðsvirði N1 er nú 27,8 millj­arðar króna, en stærstu eig­end­urnir eru Líf­eyr­is­sjóður versl­un­ar­manna með 13,3 pró­sent hlut og Gildi líf­eyr­is­sjóður með 9,22 pró­sent hlut.