Ekk­ert verður af fyr­ir­hug­að­u út­boði og skrán­ing­u ­Arion banka síð­ar á þessu ári, að því er fram kemur í Mark­aðn­um, fylgi­riti Frétta­blaðs­ins um við­skipti og efna­hags­mál. 

Slík áform hafa verið sett til hlið­ar­ ­vegna stjórn­ar­slita og ­boð­aðra kosn­inga til Alþingis í lok næsta mán­að­ar. Stefnir Kaup­þing, ­sem á 58 pró­senta hlut í bank­an­um, nú að því að losa um hlut sinn í bank­anum í gegnum opið hluta­fjár­út­boð á fyrsta fjórð­ungi næsta árs, sam­kvæmt heim­ildum Mark­að­ar­ins, þegar ný rík­is­stjórn ætti að hafa tekið til starfa eftir kosn­ing­ar. 

Ríkið á 13 pró­sent hlut í bank­an­um.

Fram kemur í Mark­aðnum að meðal þess  sem staðið hefur í vegi fyrir því að hægt yrði að ráðast í skrán­ingu Arion banka er sá mögu­leik­i að stjórn­völd nýti sér for­kaups­rétt sinn að hlut í bank­anum ef hann yrði seldur á geng­inu 0,8 eða lægra miðað við eigið fé.

Eigið fé Arion banka nam 214 millj­örðum króna í lok mars á þessu ári, og sé miðað við 0,8 sinnum eigið fé þá er verð­mið­inn á bank­anum 171,2 millj­arðar króna. Hlut­ur­inn sem ríkið á núna er 22,2 millj­arðar króna virði miðað við það. 

Óhætt er að segja að ríkið sé umsvifa­mikið á banka­mark­aði en það á allt hlutafé Íslands­banka og ríf­lega 98 pró­sent hlut í Lands­bank­an­um.

Full­trúar Kaup­þings hafa í þessum mán­uði átt fjöl­marga fundi með leið­togum rík­is­stjórn­ar­inn­ar og emb­ætt­is­mönnum í Seðla­banka Ís­lands og fjár­mála­ráðu­neyt­in­u í því skyni að ná sam­komu­lag­i um end­ur­skoðun ákvæð­is­ins um ­for­kaups­rétt rík­is­ins, að því er fram kemur í Mark­aðn­um. Sú vinna var hins vegar ekki langt á veg komin og ekk­ert sam­komu­lag fyrir hendi.