Á komandi kjörtímabili leggur Samfylkingin megináherslu á nokkur grundvallaratriði. Í fyrsta lagi leggur flokkurinn áherslu á betri lífskjör og aukinn jöfnuðu. Þrátt fyrir efnahagslegan uppgang þurfi margir í röðum öryrkja, eldri borgara, sjúklinga og barnafólks að óttast um afkomu sínu um hver mánaðamót.
Lofa tvöfallt hærri barnabótum
Segir í ályktuninni að láglaunafólk og leigjendur séu fastir í fátæktargildru með þeim afleiðingum að mörg börn búa við fátækt og skort. Ungt fólk komist ekki úr foreldrahúsum. Jafnfram segir að næsta ríkisstjórn verði að taka afdrifarík skref til þess að bæta kjör þessa fólks.
Þau ætla að auka verulega stuðning við barnafjölskyldur með tvöfalt hærri barnabótum og auknum húsnæðisstuðningi. Þau vilja stuðla að byggingu þúsunda leiguíbúða á vegum félaga sem starfa án hagnaðarsjónarmiða, færa skattabyrði frá milli- og lágtekjufólki til þeirra sem hana geta borið, tryggja að þjóðin fái réttlátan arð af sameiginlegum auðlindum og bæta lífsgæði aldraðra og öryrkja, hækkum lífeyri og drögum verulega úr tekjuskerðingu lífeyris.Stórauka framlög til heilbrigðisþjónustu, vegagerðar og löggæslu
Í öðru lagi segir í ályktuninni að flokkurinn ætli að standa við stóru orðin í heilbrigðismálum. Stórauknum framlögum hafi verið lofað til heilbrigðisþjónustu, vegagerðar og löggæslu í síðustu kosningabaráttu en um 86 þúsund manns skrifuðu undir áskorun um að endurreisa heilbrigðiskerfið. Fráfarandi stjórnarflokkar hafi lofað að setja þessi mál í algjöran forgang en ekkert hafi verið gert með þennan vilja þjóðarinnar.Þau vilja einnig lækka heilbrigðiskostnað fólks verulega og auðvelda aðgengi að sálfræðiþjónustu. Og ráðast í átak í geðheilbrigðismálum og heilsueflingu almennt.
Tala um sókn í menntamálum
Í þriðja lagi er fjallað um sókn í menntamálum. Þá segir að menntun sé lykillinn að aukinni verðmætasköpun og betri lífskjörum. Íslendingar standi í anddyri tæknibyltingar þar sem starfshættir eiga eftir að breytast verulega. Miklar breytingar verði á vinnumarkaði og skólarnir þurfa að búa nemendur undir þær með því að leggja áherslu á grunnþætti á borð við félagsfærni, sköpun og gagnrýna hugsun.
Þau vilja gefa nemendum tækifæri til þess að þroska hæfileika sína í skapandi greinum, listum, rannsóknum og nýsköpun til að mæta nýjum áskorunum í lífi og starfi. Þau vilja einnig auka virðingu fyrir kennurum og bregðumst við kennaraskorti, fjármagna háskóla til jafns við það sem gerist annars staðar á Norðurlöndum og styðja betur við fjölbreytta framhaldsskóla út um allt land og vinnum gegn brottfalli framhaldsskólanema með markvissum aðgerðum.
Vilja vinna að nýrri stjórnarskrá
Ennfremur segir í ályktuninni að þau vilji ráðast í átak gegn ofbeldi og taka á móti fleiri flóttamönnum og vöndum móttöku hælisleitenda, sérstaklega barna. Þau ætla að stórauka fjárfestingu í vegagerð með fjármögnun samgönguáætlunar, taka markviss skref til þess að standa við skuldbindingar þeirra í baráttunni gegn hlýnun jarðar og súrnun sjávar og flýta orkuskiptum í samgöngum með skipulagi og hleðslustöðvum um allt land.
Að endingu segir að þau ætli að treystum þjóðinni. Traust sé einn mikilvægasti þáttur stjórnmálanna og til að vinna sér traust meðal þjóðarinnar verði alþingismenn að treysta þjóðinni sem gaf þeim umboð, hlusta á hana og virða. Þeir megi ekki skýla sér á bak við lagatækni þegar koma þarf í veg fyrir ómannúðlega meðferð á börnum á flótta, veita á upplýsingar sem varða almannahagsmuni eða virða niðurstöður þjóðaratkvæðagreiðslu. Stjórnmálamenn eigi ekki sjálfir að ráða leikreglunum sem þeir spila eftir.
„Vinnum af krafti á nýju kjörtímabili að nýrri stjórnarskrá á grunni vandaðrar vinnu stjórnlagaráðs sem afgerandi meirihluti lýsti stuðningi við í þjóðaratkvæðagreiðslu,“ segir að lokum.
