Danske Bank ráð­leggur fjár­fest­u­m að kaupa skulda­bréf íslensku bank­anna og mælir með þeim sem fjár­fest­inga­kosti. Frá þessu er greint í Morg­un­blað­inu í dag, og vitnað til grein­ingar sem blaðið hefur undir hönd­um.

Í grein­ing­unni segir að bank­anir séu vel fjár­magn­að­ir og eigna­safn þeirra hafi batnað eftir hag­vaxt­ar­skeið, betri við­skipta­hætti og aukið eft­ir­lit. Raunar ættu þeim að ­bjóð­ast hag­stæð­ari kjör á láns­fjár­mögn­un ef horft er til banka með­ ­sam­bæri­legt láns­hæf­is­mat. 

Eig­in­fjár­staða Arion banka, Íslands­banka og Lands­bank­ans er sterk þessi miss­erin í alþjóð­legum sam­an­burði. Eig­in­fjár­hlut­fall þeirra hefur verið á bil­inu 23 til 30 pró­sent und­an­farin ár, sem langt umfram við­mið FME og lög­bundið lág­marks eig­in­fjár­hlut­fall. Sam­an­lagt er eigið fé í þessum þremur bönkum um 650 millj­arðar króna, en Íslenska ríkið á Íslands­banka og Lands­bank­ann en 13 pró­sent hlut í Arion banka.

Skýrslan ber hins vegar yfir­skrift­ina In­spired by Iceland. Fram kemur í nýju grein­ing­unn­i að helsta ógnin sem steðji að íslensku ­bönk­unum væri mögu­leg leið­rétt­ing á hús­næð­is­verði og bakslag í ferða­mennsku. 

Skýrslu­höf­und­ar ­reikna þó ekki með að það fari svo. Hús­næð­is­verð hafi ekki hækk­að hraðar en laun fyrr en nýlega, og hækk­unin eigi sér því eðli­legar skýr­ing­ar. 

Margir ­leigi hins vegar út íbúðir til ferða­manna og því gæti sam­dráttur í ferða­mennsku leitt til lækk­unar á í­búð­ar­verði. Grein­ar­höf­undar telja að ferða­mennskan hér á landi sé komin til að vera, og verði áfram hryggj­ast stykkið í hag­kerf­ið, að því er fram kemur í umfjöllun Morg­un­blaðs­ins.