Við yf­ir­­ferð með­mæl­endal­ista í Reykja­vík­­­ur­­kjör­­dæm­um norður og suður fund­ust fals­aðar und­ir­­skrift­ir hjá tveim­ur fram­­boð­um. Sam­kvæmt heim­ildum Kjarn­ans er um fram­boðs­lista Mið­flokks­ins að ræða í öðru til­fell­inu en eins og fram hefur komið í fréttum Íslensku þjóð­fylk­ing­una í hinu. Um er að ræða afmarkað til­vik á einu með­mæl­enda­blað­i. 

Yfir­kjör­stjórnir í Reykja­vík­ur­kjör­dæm­unum tveimur vís­uðu í dag til lög­reglu fölskum und­ir­skriftum á með­mæl­enda­listum tveggja fram­boða í borg­inni. Þetta kemur fram í til­kynn­ingu frá kjör­stjórn­un­um. Ekki kemur fram í til­kynn­ing­unni hvaða flokkar það eru, en áður hefur verið greint frá því að annar þeirra sé Íslenska þjóð­fylk­ing­in, sem dró af þessum sökum alla fram­boðs­lista sína til baka um helg­ina.

Í Suð­vest­ur­kjör­dæmi dró Íslenska þjóð­fylk­ingin lista sinn til baka áður en farið var að hringja í fólk á með­mæl­enda­list­an­um. 

Hitt mál­ið, sem kom upp í Reykja­vík­ur­kjör­dæmi norð­ur, er afmark­að, eins og það er orðað í til­kynn­ing­unni, og fram­boðið var úrskurðað gilt þrátt fyrir þær fölsku und­ir­skrift­ir. Sam­kvæmt frétt RÚV segir Erla S. Árna­dótt­ir, for­maður yfir­kjör­stjórn­ar­innar þar, að mik­ill stigs­munur sé á því og máli Þjóð­fylk­ing­ar­inn­ar. 

Ástríður Gríms­dótt­ir, for­maður yfir­kjör­stjórnar í Suð­vest­ur­kjör­dæmi, segir að kjör­stjórnin muni hitt­ast á fundi klukkan sex í dag og meðal ann­ars ræða hvort vísa beri hinum fölsku und­ir­skriftum til lög­reglu. Þar sé Íslenska þjóð­fylk­ingin ekki und­an­skilin þótt kjör­stjórnin hafi ekki lagst í vinnu við að sann­reyna að und­ir­skriftir þeirra séu falsk­ar. Þetta kemur fram í fyrr­nefndri frétt RÚV.

Leið­rétt­ing: Í upp­haf­legri frétt kom fram að athuga­semdir hefðu verið gerðar við með­mæl­enda­lista Bjartrar fram­tíðar og Alþýðu­fylk­ing­ar­inn­ar, og var vitnað til fréttar RÚV í því sam­hengi, en þetta er ekki rétt. Beðist er vel­virð­ingar á þessu.