Meirihluti landsmanna á móti því að taka upp viðræður við ESB

Þeir sem eru með hæstu tekjurnar og mestu menntunina vilja taka upp viðræður að nýju. Þeir sem eru eldri, búa á landsbyggðinni, eru tekjulægri, með minni menntun og kjósa Sjálfstæðis- eða Framsóknarflokk eru á móti.

ESB - andstaða
Auglýsing

Alls segj­ast 45 pró­sent þeirra sem taka afstöðu vera fylgj­andi því að Ísland taki aftur upp aðild­ar­við­ræður við Evr­ópu­sam­bandið (ESB) en 55 pró­sent eru því and­víg­ir. Þetta kemur kemur fram í nýrri könnun sem Gallup vann fyrir Já Ísland.

Þar sést að stuðn­ingur við það að aðild­ar­við­ræður verði teknar aftur upp hefur auk­ist frá því að sam­bæri­leg könnun var gerð í febr­úar 2017, en hann er minni nú en hann var í upp­hafi árs 2016.

Hlut­fall þeirra sem vilja taka aftur upp við­ræður er aðeins hærra en þeirra sem myndu vilja ganga í sam­bandið ef kosið væru um það í dag, en Kjarn­inn greindi frá því á mánu­dag að 40,2 pró­sent Íslend­inga væru fylgj­andi aðild en 59,8 pró­sent á móti. Stuðn­­ingur við aðild hefur auk­ist umtals­vert frá því að hann var kann­aður síð­­­ast í febr­­úar 2017, en þá sögð­ust 33,9 pró­­sent vera fylgj­andi aðild.

Við­ræðum slitið 2014

Ísland sótti um aðild að Evr­ópu­sam­band­inu sum­arið 2009. Þá sat að völdum rík­is­stjórn Jóhönnu Sig­urð­ar­dótt­ur, sam­steypu­stjórn Sam­fylk­ingar og Vinstri grænna. Vorið 2013 tók ný rík­is­stjórn Sjálf­stæð­is- og Fram­sókn­ar­flokks, undir for­sæti Sig­mundar Dav­íðs Gunn­laugs­son­ar, við. Þann 21. febr­úar 2014 lagði Gunnar Bragi Sveins­son, þáver­andi utan­rík­is­ráð­herra, fram þings­á­lykt­un­ar­til­lögu um að draga umsókn Íslands að Evr­ópu­sam­band­inu til baka.

Líkt og í flestum Evr­ópu­tengdum mál­efnum er mik­ill munur á afstöðu eftir kyni, aldri, búsetu, tekj­um, menntun og stjórn­mála­skoð­unum gagn­vart því hvort vilji sé til þess að hefja við­ræður að nýju. Karlar eru mun viljugri til að taka upp við­ræður á ný en konur og yngra fólk hefur meiri áhuga á því en þeir sem eldri eru. Þannig segj­ast sex af hverjum tíu sem tóku afstöðu í ald­urs­hópnum 18-24 ára vera fylgj­andi því að taka aftur upp aðild­ar­við­ræður en rúm­lega sex af hverjum tíu lands­mönnum sem eru yfir 55 ára eru því and­víg­ir. Raunar eru fleiri á móti því að taka upp við­ræður en fylgj­andi í öllum ald­urs­hópum nema þeim yngsta.

Auglýsing
Íbúar Reykja­víkur eru mun meira áfram að taka aftur upp við­ræður við Evr­ópu­sam­bandið en þeir sem búa í ann­ars staðar á höf­uð­borg­ar­svæð­inu eða á lands­byggð­inni. Þannig segj­ast um 56 pró­sent þeirra sem tóku afstöðu, og búa í Reykja­vík, vera fylgj­andi því að taka upp við­ræður að nýju. Innan sveit­ar­fé­laga utan höf­uð­borg­ar­svæð­is­ins eru hins vegar tveir af hverjum þremur sem taka afstöðu á móti því að taka upp aðild­ar­við­ræður að nýju.

Mik­ill munur milli kjós­enda flokka

Alls segj­ast 55 pró­sent þeirra sem eru með yfir eina milljón króna í fjöl­skyldu­tekjur og tóku afstöðu í könn­un­inni að þeir séu fylgj­andi því að taka upp við­ræður um aðild að nýju. Þá er áber­andi mik­ill stuðn­ingur við slíkt á meðal þeirra sem eru með háskóla­mennt­un, en 59 pró­sent þeirra sem tóku afstöðu eru fylgj­andi því. Tveir af hverjum þremur sem eru ein­ungis með grunn­skóla­próf og tóku afstöðu í könnun Gallup eru hins vegar and­vígir því að hefja við­ræður að nýju.

Það kemur vart á óvart að nær allir sem segj­ast kjósa Sam­fylk­ing­una og Pírata eru fylgj­andi því að taka upp við­ræður að nýju en það vekur athygli að fleiri kjós­endur Vinstri grænna eru fylgj­andi því en á móti. And­staðan við að hefja aðild­ar­við­ræður er mest á meðal kjós­enda Sjálf­stæð­is­flokks­ins þar sem tæp­lega níu af hverjum tíu sem tóku afstöðu eru á móti því að hefja aðild­ar­við­ræður að nýju. And­staðan er lítið eitt minni hjá kjós­endum Fram­sókn­ar­flokks­ins og þá eru kjós­endur Flokks fólks­ins mun and­víg­ari við­ræðum en hlynnt.

Könn­unin var unnin fyrir Já Ísland og var fram­­kvæmd 11-24. sept­­em­ber síð­­ast­lið­inn. Um var að ræða net­könnun og úrtakið var 1.435 manns um allt land. Allir þátt­tak­endur voru 18 ára og eldri og voru handa­hófs­­valdir úr Við­horfa­hópi Gallup. Þátt­­töku­hlut­­fall var 59,5 pró­­sent.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Korn frá Úkraínu loks á leið til Afríku á barmi hungursneyðar
Flutningaskip á vegum Sameinuðu þjóðanna er á leið til Afríku með fullan farm af korni frá Úkraínu. Um er að ræða fyrstu kornflutninga frá Úkraínu til Afríku síðan Rússland réðst inn í Úkraínu.
Kjarninn 14. ágúst 2022
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Meira úr sama flokkiInnlent