Sóley Tóm­as­dótt­ir, fyrr­ver­andi borg­ar­full­trúi Vinstri grænna, hefur boðað til fundar í kvöld til að ræða mögu­legt kvenna­fram­boð, í ljósi nið­ur­stöðu kosn­ing­anna á laug­ar­dag­inn, þar sem staða kvenna á Alþingi versn­aði til muna. 

Sér­stak­lega versn­aði staðan í þing­flokki Sjálf­stæð­is­flokks­ins mik­ið, en af 16 eru 12 karlar og 4 kon­ur. „Nið­ur­staða kosn­­ing­anna ligg­ur fyr­­ir. Þrátt fyr­ir aðdrag­anda stjórn­­­ar­slit­anna, #höf­um­hátt og há­væra kröfu kvenna um breytt sam­­fé­lag hef­ur orðið al­var­­legt bak­slag í jafn­­rétt­is­­mál­um,” seg­ir á Face­­book-­síðu við­burð­ar­­ins, en til stendur að hitt­ast á Mímis­bar á Hótel Sögu, klukkan 20:00.

Hlut­fall kvenna á þingi fór úr 47 pró­sent í 38 pró­sent. „Er ekki orðið full­reynt að breyta kynj­uðu sam­fé­lagi gegnum bland­aða flokka? Þrátt fyrir vilja og kraft rót­tækra kvenna í öllum flokk­um, þá er femín­ism­inn ekki raun­veru­legt bar­áttu­mál neins þeirra. Eng­inn flokkur tók af mynd­ug­leik á jafn­rétt­is­málum í kosn­inga­bar­átt­unni, heldur var femín­ism­inn jað­ar­mál sem ein­stökum tals­konum flokk­anna var falið að sjá um á meðan hinir ræddu „al­vöru­mál­in”.

Kvenna­fram­boð sem setur öryggi, aðstæður og tæki­færi kvenna af öllum gerðum og stærðum á odd­inn er mögu­leiki sem vert er að athuga nán­ar. Fundum strax á meðan reiðin ólgar - og reynum að beina henni inn í jákvæðan far­veg í þágu okkar allra?

Áfram stelp­ur!“ segir á Face­book síðu við­burð­ar­ins.