Átta eru látnir og tugir eru særðir eftir að pall­bíl var ekið á veg­far­endur á hjól­reiða­stig í Lower Man­hattan hverf­inu í New York. Bill De Blasio, borg­ar­stjóri í New York, sagði árás­ina vera hryðju­verk, og vott­aði aðstand­endum fórn­ar­lamba samúð sína.

„Þetta fólk var að lifa lífi sínu í hvers­dags­leik­anum og gat ekk­ert gert við þess­ari fólsku­legu árás,“ sagði De Blasio, dapur í bragði, á blaða­manna­fundi skömmu eftir atburð­inn. 

Mað­ur­inn sem framdi verkn­að­inn er 29 ára gam­all, frá Úsbekistan og kom til Banda­ríkj­anna árið 2010, að því er fram kemur á vef New York Times. 

Hann var skot­inn af lög­reglu­mönnum þegar hann var á flótta, en var síðan fluttur á sjúkra­hús, og er nú í haldi lög­reglu. Hann er sagður hafa hrópað „guð er góður (Alluh Akbar)“ og verið með hluti á sér og í bif­reið­inni sem bentu til stuðn­ings við íslamska ríkið (IS­IS).

Mað­ur­inn, Say­fullo Saipov að nafni, keyrði bílnum með ofsa í gegnum hóp af fólki og síðan beint á skóla­bif­reið. Hann steig síðan út, org­aði á guð í sífellu, með byssur - þar á meðal eina paint ball byssu - í hend­inni, áður en lög­reglu­menn skutu hann og yfir­bug­uðu.

Hann er á gjör­gæslu. 

Mað­ur­inn er tal­inn hafa verið einn að verki, en rann­sóknin á atburð­inum og meintum tengslum Saipov við hryðju­verk­sam­tök er á frum­stigi.