Eignir verð­bréfa-, fjár­fest­ing­ar- og fag­fjár­festa­sjóða námu 656,6 millj­örðum króna í lok sept­em­ber og lækk­uðu um 12,9 millj­arða milli mán­aða. Þetta sýna hag­tölur Seðla­banka Íslands.

Eignir verð­bréfa­sjóða námu 151,1 millj­arði króna og lækk­uðu þær um 802 millj­ónir milli mán­aða, eignir fjár­fest­ing­ar­sjóða námu 333,7 millj­örðum og lækk­uðu um 10,2 millj­arða. 

Eignir fag­fjár­festa­sjóða námu 171,8 millj­arði og lækk­uðu um tæp­lega tvo millj­arða. 

Lækk­un­ina má aðal­lega rekja til pen­inga­mark­aðs­sjóða sem lækk­uðu um 6 millj­arða króna, skulda­bréfa­sjóða sem lækk­uðu um 3,6 millj­arða og vog­un­ar­sjóða sem lækk­uðu um 1,4 millj­arða.

Í lok sept­em­ber var heild­ar­fjöldi sjóða 180, það eru 44 verð­bréfa­sjóð­ir, 59 fjár­fest­ing­ar­sjóðir og 77 fag­fjár­festa­sjóð­ir.

Ein ástæða þess að fjár­munir hafa verið að minnka í sjóðum inn­an­lands er sú að líf­eyr­is­sjóðir hafa verið að taka eigna­stýr­ingu úr sjóð­unum og inn á borð til sín, ef svo má segja. Þá hefur fjár­fest­ing í erlendum eignum einnig verið að aukast, en hreyf­ing­arnar eru þó óveru­legar enn sem komið er, þegar á heild­ina er lit­ið.

Sam­kvæmt síð­ustu birtu tölum um eignir líf­eyr­is­sjóða, frá því í lok ágúst, þá námu þær 3.738 millj­örðum króna. Inn­lendar eignir námu ríf­lega 2.800 millj­örð­um, en erlendar eignir 855 millj­örðum og juk­ust þær um 32 millj­arða milli mán­að­anna, júlí og ágúst.

Eign­irnar nema um þessar mundir ríf­lega 11 millj­ónum á hvern Íslend­ing.