Katrín Jak­obs­dótt­ir, for­maður Vinstri grænna, mun skila for­seta Íslands stjórn­ar­mynd­un­ar­um­boð­inu á fundi þeirra sem hefst klukkan 17 á eft­ir. 

Á mbl.is segir Katrín að for­set­inn hafi gefið sér svig­rúm til að fara yfir stöð­una, leita ráð­rúms í sínu bak­landi og heyra í öðru fólki. “ Ég mun hins veg­ar fara til hans á Bessa­staði klukk­an fimm og skila þessu umboði í ljósi þess að ég hef eng­an ann­an meiri­hluta í hendi.

Katrín sagði það ekki hafa komið sér á óvart að Fram­sókn­ar­flokk­ur­inn hafi slitið stjórn­ar­mynd­un­ar­við­ræð­unum sem stóðu yfir við Vinstri græn, Sam­fylk­ingu og Pírata. Þeir hafi alla tíð hafa haft áhyggjur af þeim nauma meiri­hluta sem rík­is­stjórnin hefði haft, en hún hefði haft 32 af 63 þing­mönn­um. „Það kem­ur ekk­ert mér á óvart leng­­ur. Við vis­s­um öll að þetta væri ekki auð­veld staða eft­ir kosn­­ing­­ar. Það er bara þannig sem maður nálg­­ast þetta.“

Flestir við­mæl­endur Kjarn­ans búast við því að Bjarni Bene­dikts­son, for­maður Sjálf­stæð­is­flokks­ins, fái næstur stjórn­ar­mynd­un­ar­um­boð.

Sam­fylk­ingin vildi allan tím­ann styrkja sam­starfið með Við­reisn

Logi Ein­ars­son, for­maður Sam­fylk­ing­ar­inn­ar, tjáði sig um stjórn­ar­slitin í stöðu­upp­færslu á Face­book í dag. Þar segir hann að nið­ur­staðan hafi verið von­brigði. „iðræð­urnar voru góðar og allir flokkar lögðu sig fram um að ná saman um þau brýnu verk­efni sem bíða; efla heil­brigð­is­kerf­ið, sækja fram á mennta­svið­inu, byggja upp inn­viði og skapa hér rétt­lát­ara sam­fé­lag. Við vorum farin að sjá til lands í því verk­efn­i. Allan tím­ann vildi Sam­fylk­ingin styrkja slíkt sam­starf með Við­reisn. Því höfn­uðu Fram­sókn og þess vegna er það óskilj­an­legt að hún noti tæpan meiri­hluta sem rök fyrir slit­u­m.“