Átt hafa sér stað þreif­ingar um stöð­una í stjórn­mál­unum og mögu­legar stjórn­ar­mynd­un­ar­við­ræður milli Katrínar Jak­obs­dótt­ur, for­manns Vinstri grænna, Sig­urðar Inga Jóhanns­son­ar, for­manns Fram­sókn­ar­flokks­ins, og Bjarna Bene­dikts­son­ar, for­manns Sjálf­stæð­is­flokks­ins. 

Hafa þau öll rædd saman í síma um stöðu mála, og hafa öll áhuga á því að leiða rík­is­stjórn ef það kemur til þess að flokk­arnir hefja form­legar stjórn­ar­mynd­un­ar­við­ræð­ur. 

Þetta kemur fram í Morg­un­blað­inu í dag, og er þar einnig vísað til þess að Sig­urður Ingi og Lilja Alfreðs­dótt­ir, vara­for­maður Fram­sókn­ar­flokks­ins, styðji Katrínu sem for­sæt­is­ráð­herra ef það næst sam­staða um mál­efna­stöðu til að vinna eft­ir. 

Eins og kunn­ugt er sigldu stjórn­ar­mynd­un­ar­við­ræður stjórn­ar­and­stöðu­flokk­anna, Vinstri grænna, Pírata, Fram­sókn­ar­flokks og Sam­fylk­ing­ar­innar í strand, og var það and­staða Fram­sóknar sem mestu réði í þeim efn­um. Innan flokks­ins var hræðsla um að aðeins eins manns meiri­hluti væri af tæp­ur, í sam­starfi fjög­urra flokka.

Milli ann­arra flokka hafa einnig verið þreif­ingar og ljóst er að ýmis­legt getur ger­st, enda mögu­leikar á stjórn­ar­myndun marg­ir. 

Rík­is­stjórn Vinstri grænna, Sjálf­stæð­is­flokks­ins og Fram­sókn­ar­flokks­ins hefði 35 þing­menn á móti 28 þing­mönnum stjórn­ar­and­stöðu­flokka.