Auðmenn kanna leiðir til að flýja með peningana sína

Ríkasta fólk landsins leitar sér nú sumt hvert ráðgjafar um hvernig það geti komist hjá því að greiða auðlegðarskatt verði slíkur lagður á. Um er að ræða mjög litinn hóp landsmanna sem á miklar fjármunaeignir.

flugvél
Auglýsing

Ein­stak­lingar sem eiga hreina eign sem hleypur á millj­örðum króna kanna nú hvaða leiðir standi þeim til boða við að flytja fjár­magn sitt út landi til að forð­ast mögu­legan auð­legð­ar­skatt. Fólk úr þessum hópi hefur þegar fundað með ráð­gjöfum vegna máls­ins. Þetta kemur fram í Við­skipta­blað­inu í dag.

Þar segir að ástæðan sé ótti við hug­myndir um „hóf­legan auð­legð­ar­skatt“ upp á 1,5 pró­sent, líkt og Vinstri græn, sem eru lík­leg til að setj­ast í rík­is­stjórn, töl­uðu fyrir í aðdrag­anda kosn­inga. Eig­endur mik­illa fjár­muna vilja margir hverjir alls ekki þurfa að greiða slíkan skatt.

Í Við­skipta­blað­inu segir að eina leiðin til þess að kom­ast undan skatt­in­um, yrði hann lagður á, væri að flytja lög­heim­ili, skatta­lega heim­il­is­festi og mögu­lega allar eignir af landi brott. „Þeir sem eru ef til vill í erf­ið­ustu stöð­unni í þessu til­liti eru að sögn við­mæl­enda Við­skipta­blaðs­ins þeir sem eiga umtals­verðar eignir en standa til dæmis í rekstri hér á landi og geta ekki með góðu móti skorið á öll tengsl við heima­landið og farið af landi brott.“

Þótt að fólk flytji heim­ils­festi og eignir sínar af landi brott þá hefur emb­ætti rík­is­skatt­stjóra samt sem áður úrskurð­ar­vald um það hvort þessum flutn­ingi fylgi raun­veru­legur flutn­ingur á heim­ili. Ef til­gang­ur­inn með flutn­ingnum er ein­ungis sá að kom­ast hjá greiðslu auð­legð­ar­skatts en hluti fjöl­skyldu við­kom­andi býr áfram á Íslandi og nýtir sér þjón­ustu þá getur emb­ættið úrskurðað að við­kom­andi ein­stak­lingur búi enn á Íslandi.

Eitt pró­sent rík­ustu tók til sín helm­ing fjár­magnstekna

Það er ekki sér­lega stór hópur Íslend­inga sem á miklar fjár­muna­eignir. Kjarn­inn greindi frá því fyrr í þess­ari viku að alls hafi Íslend­ingar þénað 117 millj­arða króna í fjár­magnstekjur á árinu 2016. Það er umtals­vert meira en árið áður, þegar heild­ar­fjár­magnstekjur Íslend­inga voru 95,3 millj­arðar króna.

Auglýsing
Tekjurnar dreifð­ust ekki jafnt á milli hópa. Þvert á móti. Tekju­hæsta eitt pró­sent lands­manna tók til sín 55 millj­arða króna af þeim tekjum sem urðu til vegna fjár­magns í fyrra, eða 47 pró­sent þeirra. Það er bæði hærri krónu­tala og hærra hlut­fall en þessi hóp­ur, sem sam­anstendur af 1.966 fram­telj­endum (1.331 ein­hleypum og 635 sam­skött­uðum), hafði í fjár­magnstekjur á árinu 2015.

Þessi staða þýðir að hin 99 pró­sent íslenskra skatt­greið­enda skipti á milli sín 53 pró­sent fjár­magnstekna sem urðu til á árinu 2016.

Helm­ingur eigna sem varð til fór til þeirra efna­mestu

Kjarn­inn greindi frá því í frétta­skýr­ingu 12. októ­ber síð­ast­lið­inn að þær rúm­lega 20 þús­und fjöl­skyldur sem til­heyra þeim tíu pró­sentum þjóð­ar­innar sem eiga mest eigið fé – eignir þegar skuldir hafa verið dregnar frá – hafi átt 2.062 millj­arða króna í hreinni eign um síð­ustu ára­mót. Alls á þessi hópur 62 pró­sent af öllu eigin fé í land­inu. Eigið fé hans jókst um 185 millj­arða króna á síð­asta ári. Eigið fé hinna 90 pró­sent lands­manna jókst á sama tíma um 209 millj­arða króna.

Það þýðir að tæp­lega helm­ingur þeirrar hreinu eignar sem varð til á síð­asta ári fór til tíu pró­sent efna­mestu fram­telj­end­anna. Þegar eigið fé 20 pró­sent efna­mestu fjöl­skyldna þjóð­ar­innar er skoðað kemur í ljós að sá hópur á 85 pró­sent af öllu eigið fé í land­inu. Sá helm­ingur þjóð­ar­innar sem á minnst er sam­an­lagt með nei­kvætt eigið fé upp á 175,3 millj­arða króna. Þetta kom fram í tölum um eig­in­fjár­stöðu Íslend­inga í lok árs 2016 sem birtar voru í byrjun októ­ber.

Þessar tölur eru þó van­metnar þar sem að verð­bréfa­eign er metin á nafn­virði og þessi hópur á nán­ast öll verð­bréf­in. Auk þess vantar inn eignir sem faldar hafa verið í skatta­skjólum sem opin­berar skýrslur segja að hlaupi á tugum millj­arða.



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Fasteignamat íbúðarhúsnæðis lækkar víða miðsvæðis í Reykjavík
Fasteignamat Þjóðskrár á íbúðarhúsnæði lækkar víða miðsvæðis í Reykjavík frá yfirstandandi ári. Mikill munur er á þróun fasteignamatsins á milli hverfa höfuðborgarsvæðisins. Hæsta fermetraverðið á landinu er í Vesturbæ Reykjavíkur og Skerjafirði.
Kjarninn 2. júní 2020
Frá og með 15. júní býðst komufarþegum að fara í sýnatöku í stað sóttkvíar.
Efnahagsleg áhrif af opnun landsins „hjúpuð óvissu“
Efnahagslegar afleiðingar af því að halda landinu áfram lokuðu yrðu „gríðarlegar“. Alls óvíst er hvenær hægt yrði að aflétta ferðatakmörkunum án áhættu á að veiran berist hingað á ný. Boðið verður upp á sýnatöku við landamæri Íslands frá miðjum júní.
Kjarninn 2. júní 2020
Lýður og Ágúst Guðmundssynir.
Athugasemdir frá Lýð og Ágústi Guðmundssonum
Kjarninn 2. júní 2020
Ásmundur Einar Daðason er með húsnæðismálin á sinni könnu sem félagsmálaráðherra.
Áætlað að 4.000 manns búi í atvinnuhúsnæði á höfuðborgarsvæðinu
Samkvæmt nýlegu mati er áætlað að um 4.000 manns búi nú í atvinnu- og iðnaðarhúsnæði á höfuðborgarsvæðinu. Ásmundur Einar Daðason félagsmálaráðherra segist ætla að leggja fram frumvarp sitt um hlutdeildarlán á yfirstandandi þingi.
Kjarninn 2. júní 2020
Guðmundur Guðmundsson
Hlutverk vetnis í orku- og loftslagsmálum framtíðarinnar
Kjarninn 2. júní 2020
Með öllu óvíst er hversu hratt ferðaþjónustan mun geta tekið við sér eftir þetta áfall og stutt við efnahagsbatann.
Vísbendingar um að botninum sé náð
Heimili á Íslandi hafa sótt um að taka 13 milljarða króna út úr séreignarsparnaði og um 6.000 heimili hafa fengið greiðslufrest af lánum. Þá hafa vaxtalækkanir skilað sér í lægri afborgunum af lánum, ekki síst til heimila.
Kjarninn 2. júní 2020
Þórólfur Guðnason sóttvarnalæknir.
Sóttvarnalæknir: Áhættan virðist ekki vera mikil
PCR-mæling hjá einkennalausum einstaklingum er ekki óyggjandi próf til að greina SARS-CoV-2 veiruna, segir sóttvarnalæknir. 0-4 dögum eftir smit geti niðurstaða úr sýnatöku verið neikvæð hjá þeim sem er smitaður.
Kjarninn 2. júní 2020
Komufarþegum býðst að fara í sýnatöku frá og með 15. júní.
Staðfest: Komufarþegum mun standa sýnataka til boða
Bráðabirgðamat bendir til þess að kostnaður við sýnatöku á Keflavíkurflugvelli fyrstu tvær vikurnar frá rýmkun reglna um komu ferðamanna til landsins yrði um 160 milljónir króna ef 500 manns koma til landsins.
Kjarninn 2. júní 2020
Meira úr sama flokkiInnlent