Umhverf­is­stofnun hefur gefið úr starfs­leyfi fyrir PCC BakkiSil­icon hf. Fyr­ir­tækið hyggst  hefja fram­leiðslu á hrákísli í nýbyggðri verk­smiðju á iðn­að­ar­svæð­inu á Bakka í Norð­ur­þingi. Þar á að fram­leiðla meira en 98,5 pró­sent hreinan kís­ill. Veitt er heim­ild til fram­leiðslu á allt að 66 þús­und tonnum á ári. 

Starfs­leyfið öðl­ast þegar gildi og gildir til 8. nóv­em­ber 2033. Ákvörðun Umhverf­is­stofn­unar um útgáfu starfs­leyfis er kær­an­leg til úrskurð­ar­nefndar umhverf­is- og auð­linda­mála.

Í frétt á vef Um­hverf­is­stofn­unar segir að ein umsögn hafi borist um starfs­leyfi til­lögu fyr­ir­tæk­is­ins. Hún barst frá Land­vernd. „Umhverf­is­stofnun ákvað að bera einn lið umsagn­ar­innar undir Skipu­lags­stofnun sem fjall­aði um meinta ann­marka á áliti henn­ar. Þar var einkum fjallað um sjón­ar­mið sam­tak­anna um að til­teknum atriðum hafi verið sleppt í mati á umhverf­is­á­hrif­um. Í meg­in­at­riðum var svar Skipu­lags­stofn­unar þess efnis að umfjöllun hennar hafi farið rétt fram sam­kvæmt lög­um. Þá var umsögnin frá Land­vernd send til fyr­ir­tæk­is­ins sem ákvað að svara henni sér­stak­lega fyrir sitt leyt­i.“