Stjórn­ar­mynd­un­ar­við­ræður í Þýska­landi eru sigldar í strand. Kristi­legir demókrat­ar, með Ang­elu Merkel kansl­ara í broddi fylk­ing­ar, Frjáls­lyndi flokk­ur­inn og Græn­ingjar hafa átt í við­ræðum síð­ustu vik­ur, en Christ­ian Lindner, for­maður Frjáls­lynda flokks­ins, átti frum­kvæðið að því að slíta við­ræð­un­um. 

Hann sagði að það væri betra að vera ekki í rík­is­stjórn, en bera ábyrgð á vondri stjórn. Óljóst er hvað tekur við núna, en sam­kvæmt breska rík­is­út­varp­inu BBC var traust á milli Kristi­legra Demókrata og Græn­ingja ekki fyrir hendi, að mati for­ystu Frjáls­lynda flokks­ins.

Flokkur Merkel fékk 33 pró­sent fylgi síð­ast, og þótti það varn­ar­sigur eftir erfitt kjör­tíma­bil, ekki síst vegna ákvörð­unar stjórnar Merkel um að hleypa tæp­lega einni milljón flótta­manna í mik­illi neyð inn í land­ið. 

Flokk­ur­inn AFD, sem boð­aði aðgerðir gegn straumi flótta­fólks til lands­ins og vilda fækka útlend­ingum í Þýska­landi, fékk um 13 pró­sent fylgi í kosn­ing­unum 94 þing­menn. 

Ólík­legt þykir að hann kom­ist að stjórn­ar­taumunum í land­inu, en staðan nú er þó tví­sýn, og ekki ljóst hvaða stjórn­ar­mynstu er lík­leg­ast.