Fast­eigna­fé­lagið Reg­inn hf. hefur skrifað undir samn­ing um einka­við­ræður og helstu skil­mála um fyr­ir­huguð kaup á öllu hlutafé dótt­ur­fé­laga Fast-1 slhf., HTO ehf. og Fast-2 ehf. 

Þetta kemur fram í til­kynn­ingu frá Reg­inn til kaup­hallar Íslands.

Stærstu eignir félag­anna eru  Katrín­ar­tún 2 (turn­inn Höfða­torgi) og Borg­ar­tún 8-16. Aðrar eignir eru Skúla­gata 21, Veg­múli 3 og Skútu­vogur 1. Sam­tals telur fast­eigna­safnið 44 þús­und fer­metra ásamt bíla­kjall­ara með yfir 600 bíla­stæð­um, að því er segir í til­kynn­ing­unn­i. 

Eign­irnar eru í 98% útleigu til traustra leigu­taka. Meðal stærstu leigu­taka eru Reykja­vík­ur­borg, Fjár­sýsla Rík­is­ins, Reikni­stofa Bank­anna og Fjár­mála­eft­ir­lit­ið.

Með við­skipt­unum verður eigna­safn Reg­ins hf. 366 þús­und fer­metrar og falla fyr­ir­huguð kaup vel að fjár­fest­inga­stefnu félags­ins sem felur m.a í sér að auka hlut félags­ins  í hágæða atvinnu­hús­næði á sterkum mark­aðs­svæð­um. „Með und­ir­ritun samn­ings­ins hefja aðilar einka­við­ræður um kaupin með það að mark­miði að kom­ast að sam­komu­lagi um efni end­an­legs kaup­samn­ings. Við­ræður milli aðila munu byggja á for­sendum og skil­málum samn­ings­ins að teknu til­liti til nið­ur­stöðu áreið­an­leikakann­ana,“ segir í til­kynn­ing­unni.

Fyr­ir­huguð kaup mið­ast við að heild­ar­virði (e. EV) HTO og Fast-2 sé metið á 23,2 millj­arða króna. End­an­legt kaup­verð hluta­fjár mun ráð­ast af skulda­stöðu félag­anna við afhend­ingu. Gangi við­skiptin eftir mun Reg­inn gefa út nýtt hlutafé upp að 5,8 millj­örðum króna að mark­aðsvirði  á með­al­gengi hluta­bréfa Reg­ins und­an­gengis mán­aðar fyrir und­ir­ritun kaup­samn­ings auk þess sem við­skiptin verða fjár­mögnuð með útgáfu á nýjum skulda­bréfa­flokki undir útgáfuramma Reg­ins.  Tak­mörkun verður á við­skiptum með 2/3 af hlutum sem gefnir verða út vegna við­skipt­anna, í ann­ars vegar 2 mán­uði og hins vegar 4 mán­uði.

„Við­skiptin eru m.a. háð skil­yrðum um að sam­komu­lag náist um end­an­legan kaup­samn­ing, nið­ur­stöðu áreið­an­leikakann­ana, sam­þykki hlut­hafa­fundar fyrir aukn­ingu hluta­fjár, sam­þykki stjórnar fyrir útgáfu skulda­bréfa­flokks og sam­þykki Sam­keppn­is­eft­ir­lits­ins. Gangi við­skiptin eftir er gert ráð fyrir að þeim ljúki á 2. árs­fjórð­ungi 2018. Ef af kaup­unum verður er áætlað að EBITDA Reg­ins hækki um 1.240 millj­ónir króna á árs­grund­velli og eigna­safn stækki um 14% miðað við fer­metra. ,,Yi­eld“ kaupanna er um 5,3%,“ segir í til­kynn­ing­unni.

Nýr eign­ar­hlutur í Reg­in, ef af verð­ur, yrði tæp 13 pró­sent sem afhend­ist selj­anda, Fast-1 slhf. Á meðal stærstu hlut­hafa Fast-1 eru Gild­i-líf­eyr­is­sjóð­ur, Líf­eyr­is­sjóður starfs­manna rík­is­ins og Líf­eyr­is­sjóður verzl­un­ar­manna með tæp­lega 20% hlut hver, Festa líf­eyr­is­sjóður með tæp­lega 10% hlut og Almenni líf­eyr­is­sjóð­ur­inn með tæp­lega 7% hlut.