Ný stjórn tekin við hjá Pressunni - Grunur um misferli

Ný stjórn er tekin við taumunum hjá Pressunni. Ómar R. Valdimarsson er nýr stjórnarformaður.

Björn Ingi
Auglýsing

Ný stjórn er tekin við hjá Press­unni, eftir hlut­hafa­fund í dag, og skip Ómar R. Valdi­mars­son hdl., Matth­ías Björns­son og Þor­varður Gunn­ars­son stjórn­ina. 

Í til­kynn­ingu vegna breyt­ing­anna kemur fram að grunur sé um mis­ferli í starf­semi félags­ins og að ennþá hafi ekki verið gerðar upp skuldir við Toll­stjóra, vegna van­greiddra opin­berra gjalda. 

Und­an­farnar vikur hefur stærsti hlut­hafi Press­un­ar, Fjár­fest­inga­fé­lagið Dal­ur­inn ehf., ítrekað óskað eftir hlut­hafa­fundi í Press­unni sem loks var hald­inn með aðstoð ráð­herra í dag. 

Auglýsing

Á dag­skrá fund­ar­ins var umræða um kaup­samn­ing Press­unar við Frjálsa Fjöl­miðl­un, ráð­stöfun kaup­verðs til kröfu­hafa og kosn­ing stjórn­ar, að því er segir í til­kynn­ingu. „Stjórn Press­unar hefur nú undir höndum gögn sem sýna umtals­verðar skuldir við opin­bera aðila, líf­eyr­is­sjóði og almenna kröfu­hafa. Frá­far­andi stjórn Press­unar hefur ekki getað upp­lýst eig­endur og nýja stjórn­ar­menn félags­ins um hvernig félag­inu verði gert kleift að standa við sínar skuld­bind­ing­ar. Skuldir Press­unar og tengdra félaga við Toll­stjóra vegna opin­berra gjalda nema um 150 millj­ónum króna auk umtals­verða van­skila ann­arra kröfu­hafa. Eins og fjallað hefur verið um í fjöl­miðlum voru nán­ast allar eignir Pressunnar ehf. og DV ehf. seldar til Frjálsrar Fjöl­miðl­unar ehf. þann 5. sept­em­ber síð­ast­lið­inn. Ný stjórn félags­ins hefur þá kaup­samn­inga undir höndum þar sem meðal ann­ars kemur fram að kaup­verð er greitt með yfir­töku á kröfu frá­far­andi stjórn­ar­for­manns á félagið að fjár­hæð 80.000.000 króna auk yfir­töku á hand­völdum skuldum félag­anna þar sem Björn Ingi Hrafns­son er í per­sónu­legum ábyrgð­um. Þetta ásamt öðrum atrið­um, sem nánar verður gerð grein fyrir síð­ar, hefur gert það að verkum að legið hefur fyrir grunur um að ekki hafi ein­ungis verið mis­farið með fjár­muni félag­anna heldur hafi kröfu­höfum félag­anna einnig verið mis­munað í bága við lög,“ segir til­kynn­ingu hinnar nýju stjórn­ar.

Þá segir að hlut­verk nýrrar stjórnar verði nú að glöggva sig á fjár­hag félags­ins og með­ferð fjár­muna. Eftir það verði hægt að taka ákvörðun um hvort félagið verður gefið upp til skipta, og meta hvort atvik hafi verið með þeim hætti að vísa þurfi málum til hér­aðs­sak­sókn­ara og gruns um lög­brot. „Fjár­fest­inga­fé­lagið Dal­ur­inn ehf. er eig­andi að 68,27% hlut í Press­unni og hefur lagt umtals­verða fjár­muni til rekst­urs Press­unar og tengdra félaga. Fyrr­ver­andi stjórn­ar­for­maður Press­unar og fyrrum útgef­andi hefur ítrekað haft í hót­unum við stjórn­ar­menn Dals­ins. Fel­ast þær hót­anir meðal ann­ars í skrifum um ein­staka hlut­hafa Dals­ins sem lekið skal til fjöl­miðla, sem eru byggðar meðal ann­ars á gögnum og rök­semd­ar­færslum sem not­aðar voru af Novator í til­hæfu­lausum mála­ferlum við sömu aðila. Þá hefur ítrekað verið reynt að kom­ast hjá því að halda hlut­hafa­fundi þrátt fyrir ósk stærsta hlut­hafa þannig að leita þurfti til ráð­herra til að þvinga boðun fund­ar­ins. Þetta gefur til kynna að fyrrum stjórn­ar­mönnum og stjórn­endum Pressunnar sé umhugað um að eig­endur félags­ins og opin­berir aðilar kom­ist ekki yfir fjár­hags­legar upp­lýs­ing­ar,“ segir í til­kynn­ing­unni.

Til­kynn­ingin fer hér eftir í heild sinni:

„Und­an­farnar vikur hefur stærsti hlut­hafi Press­un­ar, Fjár­fest­inga­fé­lagið Dal­ur­inn ehf., ítrekað óskað eftir hlut­hafa­fundi í Press­unni sem loks var hald­inn með aðstoð ráð­herra í dag. Á dag­skrá fund­ar­ins var umræða um kaup­samn­ing Press­unar við Frjálsa Fjöl­miðl­un, ráð­stöfun kaup­verðs til kröfu­hafa og kosn­ing stjórn­ar.

Nýir stjórn­ar­menn í Press­unni eru þeir Matth­ías Björns­son, Ómar R. Valdi­mars­son og Þor­varður Gunn­ars­son.

Pressan getur ekki staðið undir skuld­bind­ingum

Stjórn Press­unar hefur nú undir höndum gögn sem sýna umtals­verðar skuldir við opin­bera aðila, líf­eyr­is­sjóði og almenna kröfu­hafa. Frá­far­andi stjórn Press­unar hefur ekki getað upp­lýst eig­endur og nýja stjórn­ar­menn félags­ins um hvernig félag­inu verði gert kleift að standa við sínar skuld­bind­ing­ar.

Skuldir Press­unar og tengdra félaga við Toll­stjóra vegna opin­berra gjalda nema um 150 millj­ónum króna auk umtals­verða van­skila ann­arra kröfu­hafa.

Mis­munun kröfu­hafa

Eins og fjallað hefur verið um í fjöl­miðlum voru nán­ast allar eignir Pressunnar ehf. og DV ehf. seldar til Frjálsrar Fjöl­miðl­unar ehf. þann 5. sept­em­ber síð­ast­lið­inn. Ný stjórn félags­ins hefur þá kaup­samn­inga undir höndum þar sem meðal ann­ars kemur fram að kaup­verð er greitt með yfir­töku á kröfu frá­far­andi stjórn­ar­for­manns á félagið að fjár­hæð 80.000.000 króna auk yfir­töku á hand­völdum skuldum félag­anna þar sem Björn Ingi Hrafns­son er í per­sónu­legum ábyrgð­um. Þetta ásamt öðrum atrið­um, sem nánar verður gerð grein fyrir síð­ar, hefur gert það að verkum að legið hefur fyrir grunur um að ekki hafi ein­ungis verið mis­farið með fjár­muni félag­anna heldur hafi kröfu­höfum félag­anna einnig verið mis­munað í bága við lög

Hlut­verk nýrrar stjórnar

Fyrstu störf nýrrar stjórnar verða að kanna fjár­hags­stöðu félags­ins nánar og með­ferð fjár­muna félags­ins og taka í fram­haldi af því ákvörðun um hvort skylda beri til að gefa félagið upp til gjald­þrota­skipta og hvort atvik séu með þeim hætti að vísa eigi ein­stökum þáttum til hér­aðs­sak­sókn­ara til frek­ari rann­sókn­ar. Skoðað verður sér­stak­lega hvort fram­kvæmda­stjóri hafi nýtt fjár­muni félags­ins í eigin þág­u. 

Fjár­fest­inga­fé­lagið Dal­ur­inn ehf. er eig­andi að 68,27% hlut í Press­unni og hefur lagt umtals­verða fjár­muni til rekst­urs Press­unar og tengdra félaga. Fyrr­ver­andi stjórn­ar­for­maður Press­unar og fyrrum útgef­andi hefur ítrekað haft í hót­unum við stjórn­ar­menn Dals­ins. Fel­ast þær hót­anir meðal ann­ars í skrifum um ein­staka hlut­hafa Dals­ins sem lekið skal til fjöl­miðla, sem eru byggðar meðal ann­ars á gögnum og rök­semd­ar­færslum sem not­aðar voru af Novator í til­hæfu­lausum mála­ferlum við sömu aðila. Þá hefur ítrekað verið reynt að kom­ast hjá því að halda hlut­hafa­fundi þrátt fyrir ósk stærsta hlut­hafa þannig að leita þurfti til ráð­herra til að þvinga boðun fund­ar­ins. Þetta gefur til kynna að fyrrum stjórn­ar­mönnum og stjórn­endum Pressunnar sé umhugað um að eig­endur félags­ins og opin­berir aðilar kom­ist ekki yfir fjár­hags­legar upp­lýs­ing­ar.

Stjórn Press­unar eftir kjör á hlut­hafa­fundi í dag, 24. nóv­em­ber 2017, skipa:

Matth­ías Björns­son

Ómar R. Valdi­mars­son form.

Þor­varður Gunn­ars­son.“

Konurnar sem saka Trump um áreitni eiga skilið að fá áheyrn
Sendiherra Bandaríkjanna hjá Sameinuðu þjóðunum segir að allar konur sem telja á sér brotið eigi skilið að fá áheyrn, og það eigi líka við um þær sem hafa sakað Trump Bandaríkjaforseta um áreitni.
11. desember 2017
Fimmtán milljarða innviðainnspýting
Stjórnarflokkarnir ætla sér að auka verulega við fjármagn til heilbrigðis- og menntakerfisins, samkvæmt umfjöllun Fréttablaðsins í dag.
11. desember 2017
Í þá tíð… Dauði fjölmiðlamógúlsins
Blaðaútgefandinn Robert Maxwell var einn fyrirferðarmesti útgefandi Bretlands um árabil. Hann fór með himinskautum á hátindi veldis síns, en fallið var hátt og endalokin voveifleg.
10. desember 2017
Fjölmenni og samstaða á #Metoo viðburðum
Fjölmenni er nú á #Metoo viðburði í Borgarleikhúsinu. Viðburðir eru haldir um allt land þar sem minnst er á mikilvægi byltingarinnar.
10. desember 2017
Nær Ive að blása lífi í nýsköpunina hjá Apple?
Bretinn Jonathan Ive hefur tekið við stjórnun hönnunar og notendaupplifunar hjá Apple á nýjan leik. Þetta verðmætasta fyrirtæki heimsins hefur fengið á sig mikla gagnrýni að undanförnu fyrir að koma ekki fram með nægilega miklar nýjungar.
10. desember 2017
Starfsemi Tencent er marghliða en þróun fyrirtækisins tengist mjög náið vexti millistéttarinnar og snjallsímavæðingarinnar í Kína.
Tencent tekur fram úr Facebook
Kínverska tæknifyrirtækið Tencent hefur tekið fram úr Facebook í markaðsvirði og er nú meðal fimm stærstu fyrirtækja í heimi. Ör vöxtur Tencent og Alibaba á síðustu árum sýnir að kínverski tækniiðnaðurinn hefur tekið stakkaskiptum.
10. desember 2017
Lars Lökke Rasmussen
Á bláþræði
Danska ríkisstjórn hefur átt í vök að verjast að undanförnu. Danski Þjóðarflokkurinn er í lykilstöðu á hinu kvika pólitíska sviði í Danmörku.
10. desember 2017
Þriðji dagur Katrínar í stjórnarráðinu
Katrín Jakobsdóttir fékk lyklana að stjórnarráðinu á föstudegi, á þriðjudeginum fékk Auður Jónsdóttir rithöfundur að elta hana í nýju starfi og spyrja spurninga; annan dag fyrstu vikunnar í stjórnarráðinu.
9. desember 2017
Meira úr sama flokkiInnlent