Ný könnun: Langflestir vilja Katrínu sem forsætisráðherra

Katrín Jakobsdóttir nýtur yfirburðarstuðnings í starf forsætisráðherra samkvæmt könnun sem stuðningsmenn hennar hafa látið framkvæma. Íbúar í Garðabæ og á Reykjanesi vilja frekar Bjarna Benediktsson.

Katrín Jakobsdóttir
Auglýsing

Ný könnun Zenter um viðhorf landsmanna til þess hver ætti að verða næsti forsætisráðherra þjóðarinnar sýnir að 49,5 prósent þeirra sem tóku afstöðu vilja fá Katrínu Jakobsdóttur, formann Vinstri grænna, í það hlutverk. Þegar öll svör voru skoðuð hafði Katrín einnig mikla yfirburði en 43,6 prósent allra sem svöruðu vildu hana sem næsta forsætisráðherra.

Könnunin, sem var gerð daganna 10-21. nóvember, var gerð fyrir stuðningshóp Katrínar. Í henni voru 2.048 manns spurðir: „Hvern eftirfarandi myndir þú vilja sjá sem næsta forsætisráðherra Íslands?“ og gátu svarendur valið úr hópi forystumanna íslenskra stjórnmálaflokka. Svarendur voru 1.061 og svarhlutfall því 52 prósent.

Sá sem næst oftast var nefndur af þeim sem tóku afstöðu var Bjarni Benediktsson, formaður Sjálfstæðisflokks. Alls vildu 20,5 prósent þeirra sem tóku afstöðu fá hann í starfið. Þar á eftir kom Sigurður Ingi Jóhannsson, formaður Framsóknarflokksins (10,2 prósent þeirra sem tóku afstöðu).

Auglýsing

Alls vildu 7,6 prósent að Sigmundur Davíð Gunnlaugsson, formaður Miðflokksins, myndi taka að sér starfið en aðrir formenn eða formannsígildi nutu minni stuðnings.

Katrín vinsælust hjá öllum tekjuhópum

Katrín nýtur meiri stuðnings hjá konum en körlum og yngra fólk er hallara undir hana en það sem eldra er. Þá nýtur hún meiri stuðnings á höfuðborgarsvæðinu en á landsbyggðinni. Vert er að taka fram að Katrín nýtur þó mest stuðnings í hlutverkið hjá báðum kynjum og öllum aldurshópum.

Bjarni nýtur meiri stuðnings en Katrín í starf forsætisráðherra í tveimur byggðarkjörnum, annars vegar í Garðabæ (þar vilja 48 prósent íbúa að Bjarni verði forsætisráðherra) og á Reykjanesi (þar vildu 37,8 prósent Bjarna en 34,3 prósent Katrínu).

Katrín nýtur minnst stuðnings í starfið hjá atvinnurekendum en samt vilja fleiri slíkir hana en Bjarna. Athygli vekur að stuðningur við Katrínu sem forsætisráðherra eykst eftir því sem menntunarstig verður hærra.

Þá styðja tekjulægri hóparnir mun frekar Katrínu í starfið en tekjuhærri hóparnir, þótt hún njóti mest stuðnings allra stjórnmálaleiðtoga í öllum tekjuhópum einstaklinga. Bjarni nýtur mun meiri stuðnings hjá efstu tekjuhópunum, óháð því hvort um sé að ræða persónulegar tekjur eða tekjur heimilis.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Ferðamenn við Skógafoss.
Lágur smitfjöldi talinn mikilvægur fyrir heilsu og hagsmuni ferðaþjónustu
Ótti við að lenda á rauðum listum sóttvarnayfirvalda í Evrópu og Bandaríkjunum var tekinn inn í heildarhagsmunamat ríkisstjórnarinnar varðandi nýjar sóttvarnaráðstafanir innanlands. Á morgun verður mannlífið heft á ný vegna veirunnar.
Kjarninn 24. júlí 2021
Einkabílaeign á Ísland er hlutfallslega sú hæsta í Evrópu.
Getur Ísland keyrt sig út úr loftslagsvandanum?
Orkuskipti í samgöngum er eitt helsta framlag íslenskra stjórnvalda í baráttunni við loftslagshamfarir. Rafbílar eru hins vegar ekki sú töfralausn sem oft er haldið fram. Vandamálið er ekki bensíndrifnir bílar heldur bíladrifin menning.
Kjarninn 24. júlí 2021
Daði Már Kristófersson
Gölluð greinargerð um fyrningu aflaheimilda
Kjarninn 24. júlí 2021
Nýútskrifaðir sjúkraþjálfarar hafa sem sakir standa ekki kost á því að starfa á einkareknum stofum innan greiðsluþátttökukerfis hins opinbera fyrr en eftir tveggja ára starf í greininni.
Nýútskrifaðir sjúkraþjálfarar byrja að veita þjónustu án greiðsluþátttöku ríkisins
Á nokkrum sjúkraþjálfarastofum er nú hægt að bóka þjónustu nýútskrifaðra sjúkraþjálfara, en þá þarf að greiða fullt verð fyrir tímann, vegna ákvæðis í reglugerð heilbrigðisráðherra. Tveir eigendur stofa segja þetta ekki gott fyrir skjólstæðinga.
Kjarninn 24. júlí 2021
Ríkisstjórnin fundaði á Egilsstöðum í dag. Mynd úr safni.
200 manna samkomutakmarkanir til 13. ágúst
Í mesta lagi 200 manns mega koma saman frá miðnætti á morgun og þar til 13. ágúst og eins metra regla verður í gildi. Barir og veitingahús þurfa að loka á miðnætti.
Kjarninn 23. júlí 2021
Meira úr sama flokkiInnlent