Þrátt fyrir að mik­ill afgangur sé af vöru- og þjón­ustu­við­skipt­um, virð­ist sem það sé tekið að halla nokkuð undan fæti hjá fyr­ir­tækjum í vöru­út­flutn­ingi.

Vöru­við­skipti á þriðja árs­fjórð­ungi voru nei­kvæð um 47,5 millj­arða en á sama tíma í fyrra voru þau nei­kvæð um 22,5 millj­arða.

Afgangur af vöru- og þjón­ustu­við­skiptum þjóð­ar­bús­ins á þriðja árs­fjórð­ungi var 68,1 millj­aður en á sama tíma í fyrra var hann ríf­lega 100 millj­arðar króna. Sem fyrr er það mik­ill vöxtur í ferða­þjón­ustu sem hefur mikil jákvæð áhrif á heild­ar­stöðu íslenska hag­kerf­is­ins, en afgangur af þjón­ustu­við­skiptum nam 117,5 millj­örðum á þriðja árs­fjórð­ungi. Afgang­ur­inn var heildur meiri í fyrra á sama tíma, eða 122,7 millj­arð­ar.

Góð staða

Staða þjóð­ar­búss­ins, þegar kemur að eignum og skuldum erlend­is, er góð um þessar mundir að mörgu leyti ein­stak­lega góð, í sögu­legu sam­hengi. Sam­kvæmt bráða­birgða­yf­ir­liti Seðla­banka Íslands námu erlendar eignir þjóð­ar­bús­ins 3.307 millj­örðum króna í lok árs­fjórð­ungs­ins en skuldir 3.198 millj­örðum króna. Hrein staða við útlönd var því jákvæð um 108 millj­arða, eða sem nam 4,4 pró­sent af vergri lands­fram­leiðslu (VLF) og batn­aði um 125 millj­arða króna eða sem nam 5 pró­sent af VLF á milli árs­fjórð­unga. „Hrein fjár­magns­við­skipti bættu erlenda stöðu þjóð­ar­bús­ins um 72 ma.kr. Skuldir lækk­uðu um 398 ma.kr. og erlendar eignir um 326 ma.kr. vegna fjár­magns­við­skipt­anna. Geng­is- og verð- breyt­ingar höfðu jákvæð áhrif á erlenda stöðu þjóð­ar­bús­ins um sem nam 91 ma.kr. Skýrist það af 4,5% verð­hækk­unum á erlendum hluta­bréfa­mörk­uðum og af 5% lækkun á gengi krón­unnar gagn­vart helstu gjald­miðlum miðað við geng­is­skrán­ing­ar­vog,“ segir í yfir­lit­inu.