Sig­mar Gabriel, utan­rík­is­ráð­herra Þýska­lands, segir að breytt stefna í utan­rík­is­málum Banda­ríkj­anna muni hafa var­an­leg áhrif á alþjóða­stjórn­mál. Staðan muni ekki brey­ast eftir næstu kosn­ingar í Banda­ríkj­un­um, hvort sem það verður Don­ald J. Trump sem verður end­ur­kjör­inn eða ekki. 

Staðan sé sú, að þjóðir heims­ins geti ekki lengur litið til Banda­ríkj­anna sem leið­toga í því að halda alþjóða­sam­starfi um varnir og önnur mik­il­væg mál á odd­in­um. 

Eftir að Trump varð for­seti Banda­ríkj­anna hefur hann öðru fremur horft til þess að Banda­ríkin hugsi fyrst og síð­ast um sína eigin hags­muni, en geri kröfu um að aðrir þjóðir borgi fyrir það þegar horft er til Banda­ríkj­anna til að gæta öryggis í heim­in­um. 

Þá hefur Trump einnig beitt sér fyrir því að Banda­ríkin hugsi öðru fremur um eigin hags­muni þegar kemur að alþjóð­legum við­skipt­um, og hefur meðal ann­ars slitið Banda­ríkin út úr alþjóða­póli­tísku sam­starfi um við­skipta­samn­inga og umhverf­is­mál. Þannig er Banda­ríkin eina landið í heim­inum sem hefur slitið sig frá Par­ís­ar­sam­komu­lag­in­u. 

Gabriel segir að Þýska­land þurfi að horfa til Banda­ríkj­anna sem banda­manns þegar kemur að alþjóð­legum við­skipt­um. En eins og mál hafi verið að þróast, þá sé sýnin á málin gjör­ó­lík því sem nú sé ofan hjá Banda­ríkj­un­um. 

Sam­kvæmt umfjöllun Reuters nefndi hann sem dæmi aðgerðir sem grafa undan kjarn­orku­á­ætlun Íran, sér­tækar við­skipta­hindr­anir gagn­vart Rússum sem í reynd ógni orku­ör­yggi Þýska­lands, ógn­andi yfir­lýs­ingar vegna spennu á Kóreu­skaga, ummæli sem draga úr sam­stöðu NATO ríkja og þá tal­aði hann alfarið gegn yfir­lýs­ingum um að Jer­úsalem verði höf­uð­borg Ísra­els. 

Slíkt geti grafið undan frið­ar­ferli, á við­kvæmum tím­um, og leitt til meiri erf­ið­leika. Eins og kunn­ugt er hefur Trump þegar stigið það skref, að við­ur­kenna Jer­úsalem sem höf­uð­borg Ísra­els, og verður sendi­ráð lands­ins flutt þangað í nán­ustu fram­tíð. Þessi ákvörðun hefur mætt mik­illi and­stöðu víða um heim, og fer neyð­ar­fundur fram í örygg­is­ráði Sam­ein­uðu þjóð­anna vegna hennar á morg­un.