Doug Jones, 63 ára gam­all sak­sókn­ari og fram­bjóði Demókrata, vann óvæntan sigur í kosn­ingum um sæti í öld­unga­deild Banda­ríkja­þings. Hann lagði Repúblikan­ann Roy Moore, fyrr­ver­andi dóm­ara í Ala­bama, en Don­ald Trump Banda­ríkja­for­seti studdi hann og hvatti stuðn­ings­menn Repúblik­ana til að kjósa hann. 

Margar konur í Ala­bama hafa stigið fram á und­an­förnum vikum og mán­uðum og sakað Moore um að hafa brotið gegn þeim kyn­ferð­is­lega, þegar þar voru undir lög­aldri, en Moore hefur neitað ásök­un­un­um. Trump tjáði sig ekki um þær, og studdi Moore ein­dregið í kosn­inga­bar­átt­unni. Svo virð­ist sem þessar stuðn­ings­yf­ir­lýs­ingar Trumps hafi þjappað Demókrötum í Ala­bama sam­an, því ríkið er þekkt fyrir yfir­gnæf­andi stuðn­ing við Repúblik­ana í gegnum tíð­ina. 

Kosn­ing­arnar fóru fram þar sem Jeff Sessions, öld­unga­deild­ar­þing­mað­ur­inn, tók við emb­ætti dóms­mála­ráð­herra í stjórn Trumps, og því þurfti að kjósa til að fylla skarð hans í öld­unga­deild­inn­i. 

Jones er einna þekkt­astur fyrir lög­manns­störf í Ala­bama, og var hann meðal þeirra sem vann að mál­sókn gegn með­limum Ku Klux Klan sam­tak­anna sem brenndu niður kirkju í Birming­ham, árið 1963, með þeim afleið­ingum að fjórar stúlkur lét­ust. Hann sótti málið sem sak­sókn­ari en málið vakti mikla athygli og leiddi til mik­illar umræðu um kyn­þátta­hyggju og kyn­þátta­hatur í Banda­ríkj­un­um.

Nið­ur­staðan í kosn­ing­unni er áfall fyrir Repúblik­ana sem nú halda naum­ari meiri­hluta en áður, 51 - 49, í öld­unga­deild­inni. Þetta er í fyrsta sinn í ald­ar­fjórð­ung sem Demókratar ná að hafa betur en Repúblikanar í kosn­ingu um sæti Ala­bama í öld­unga­deild­inn­i.