Merki um hraða lækkun fast­eigna­verðs í Sví­þjóð sjást nú víða, en verðið féll um 2,9 pró­sent í nóv­em­ber og 3 pró­sent í októ­ber, að því er fram kom í umfjöllun Bloomberg á dög­unum. 

Sé sér­stak­lega litið til stöðu mál í Stokk­hólmi, þar sem hefur verið mik­ill efna­hags­legur upp­gangur á síð­ustu árum, þá hefur verð lækkað nokkuð mikið að und­an­förnu, en í nóv­em­ber nbam lækk­unin sex pró­sentum miðað við árið á und­an. Þetta í fyrsta skipti í sex ár sem svo mikil lækkun sést á fast­eigna­mark­aðnum í Sví­þjóð.

Stjórn­völd í Sví­þjóð, bæði ráð­herrar og sér­fræð­ingar sænska seðla­bank­ans, hafa talað um að þetta ætti ekki að koma á óvart eftir miklar hækk­anir á und­an­förnum árum. 

Andr­eas Wall­strom, sér­fræð­ingur hjá Nor­dea bank­an­um, segir í sam­tali við Bloomberg að þegar rýnt sé í tölur und­an­far­inna vikna, þá bendi margt til þess að verðið sé nú að ná stöð­ug­leika. Fátt bendi til þess að mikil verð­fall verði á fast­eigna­mark­aðn­um, héðan í frá.

Í lok árs í fyrra bjuggu 9,9 millj­ónir manna í Sví­þjóð, en landið er fjöl­menn­ast Norð­ur­landa.