Verk­fall flug­virkja hjá Icelanda­ir, sem hófst í gær klukkan 06:00, hafði áhrif á ferða­til­högun þús­unda far­þega í gær, og er fyr­ir­sjá­an­legt að það muni halda áfram, á meðan ekki næst að semja um kaup og kjör. 

Fundið var slitið á fjórða tím­anum í nótt án nið­ur­stöðu.

Gunnar R. Jóns­son, for­maður samn­inga­nefndar flug­virkja, sagði við mbl.is í gær­kvöldi að það yrði setið við samn­inga­borðið í löngum lot­um, en að öðru leyti var ekk­ert hægt að segja um fram­gang­inn í við­ræð­un­um.

Hall­dór Benja­mín Þor­bergs­son, fram­kvæmda­stjóri Sam­taka atvinnu­lífs­ins, hefur sagt kröfur flug­virkja óásætt­an­legar en SA hefur metið þær á um 20 pró­sent hækkun launa. Þetta telja SA óboð­legar kröfur og að það sé ekki hægt að verða við þeim.

Flug­virkjar hafa ekki viljað tjá sig um kröf­urnar að öðru leyti en því, að þeir hafa lítið gefið fyrir mál­flutn­ing Sam­taka atvinnu­lífs­ins og segja hann ekki svara­verð­an.

Verk­fallið nær til um 260 flug­virkja, en sam­kvæmt upp­lýs­ingum frá Icelandair þá verða um tíu þús­und far­þegar fyrir áhrifum vegna verk­falls­ins á hverjum degi sem það var­ir.