Paul Krug­man, Nóbels­verð­launa­hafi í hag­fræði, segir í við­tali við Business Insider að mark­aður með raf­mynt­ina Bitcoin sé „aug­ljós bóla“. Hann segir að það sem hafi ýtt undir verðið á raf­mynt­inni sé van­þekk­ing á tækn­inni á bak við hana og dulúðin sem ein­kenni mark­að­inn. Eng­inn viti í reynd hvernig mark­að­ur­inn gangi nákvæm­lega fyrir sig. 

Nó­bels­verð­launa­haf­inn Paul Krug­man seg­ir að verð­hækk­­an­ir raf­­­mynt­­ar­inn­ar Bitco­in að und­an­förnu stafi af því að eng­inn skilji í raun hvað hún sé og að fólk týn­ist í dulúð tækn­inn­­ar.

„Það hef­ur ekki verið sýnt fram á að Bitco­in þjóni ein­hverj­um til­­­gangi í efna­hags­líf­in­u,“ seg­ir Krug­man. 

Krug­man segir enn fremur að vænt­an­lega reikni flestar fjár­festar með því að græða mikið á þeirri miklu verð­hækkun sem verið hefur á mark­aði að und­an­förnu, en það sé alveg öruggt að ein­hverjir muni sitja eftir með sárt enn­ið.

Verðið á Bitcoin hefur rokið upp á þessu ári, en sveifl­urnar hafa þó einnig verið hrað­ar. Stundum hefur verðið lækkað mikið innan dags, og aðra daga hefur það rokið upp. Í lok dags í gær stóð verðið á Bitcoin ein­ingu í 16.400 Banda­ríkja­döl­um, eða sem nemur 1,7 millj­ón­um.

Það hefur fallið hratt í verði síð­ustu tvo daga, eða um 15 pró­sent, eftir að hafa verið í hæstu hæð­um.