Nikki Haley, sendi­herra Banda­ríkj­anna hjá Sam­ein­uðu þjóð­un­um, sagði í ræðu sinni á alls­herj­ar­þingi Sam­ein­uðu þjóð­anna í dag, að „þessi dagur myndi ekki gleymast“. Hún sagði Banda­ríkin ekki ætla að end­ur­skoða ákvörðun sína um að við­ur­kenna Jer­úsalem sem höf­uð­borg Ísra­els og að færa þangað sendi­ráð Banda­ríkj­anna. 

Eins og greint var frá fyrr í dag, þá greiddi yfir­gnæf­andi meiri­hluti aðild­ar­ríkja Sam­ein­uðu þjóð­anna gegn ákvörðun Banda­ríkj­anna í dag, en ályktun þess efn­is, sem borin var upp af frum­kvæði Egypta, var sam­þykkt í dag. Sam­tals greiddu 128 ríki með henni, 9 stóðu með Banda­ríkj­un­um, að þeim með­töld­um, og 33 voru hlut­laus og 21 þjóð tók ekki þátt í kosn­ing­unn­i. 

Á meðal ríkja sem sam­þykktu voru Bret­land, Kína, Frakk­land og Þýska­land, en Ísland var einnig í þeim hópi. 

Benja­mín Net­an­hayu, for­sæt­is­ráð­herra Ísra­els, for­dæmdi álykt­un­ina en sagði það gleði­legt að sjá margar þjóðar standa utan við sam­þykkt henn­ar. 

Haley sendi aðild­ar­ríkj­um, þar á meðal Íslandi, bréf þar sem tekið var fram að Don­ald Trump Banda­ríkja­for­seti myndi fylgj­ast með því hvernig þjóð­irnar myndu greiða atkvæð­i. 

Hún hefur einnig látið hafa eftir sér, að Banda­ríkin gætu ákveðið að skrúfa fyrir fjár­hags­að­stoð við þró­un­ar­að­stoð í ríkjum þar sem hún er nauð­syn­leg. 

Guð­laugur Þór Þórð­ar­son, utan­rík­is­ráð­herra, segir í sam­tali við RÚV að afstaða Íslands eigi ekki að koma neinum á óvart. „Það er í sam­ræmi við þá stefnu sem við höfum – við styðjum tveggja ríkja lausn og að mál­efnum Jer­úsalem verði fund­inn far­vegur með sam­eig­in­legri ákvörðun Ísra­els og Palest­ínu­manna,“ segir Guð­laugur Þór í sam­tali við RÚV.