Vetrarþjónusta aukin á þjóðvegum - kostnaður um 100 milljónir króna

Samgöngu- og sveitarstjórnarráðherra hefur ákveðið í samráði við Vegagerðina að auka vetrarþjónustu og hálkuvarnir á ákveðnum köflum á þjóðvegakerfinu í því skyni að bæta umferðaröryggi.

Snjómoksturbíll að störfum Mynd: Vegagerðin
Auglýsing

Sig­urður Ingi Jóhanns­son sam­göngu- og sveit­ar­stjórn­ar­ráð­herra hefur ákveðið í sam­ráði við Vega­gerð­ina að auka vetr­ar­þjón­ustu og hálku­varnir á ákveðnum köflum á þjóð­vega­kerf­inu í því skyni að bæta umferð­ar­ör­yggi.

Þetta kemur fram í frétt Vega­gerð­ar­inna.

Í frétt­inni segir að ráð­herra og vega­mála­stjóri hafi að und­an­förnu kannað með hvaða hætti og hvar helst þarf að bæta þjón­ust­una og að Vega­gerðin hafi áætlað kostnað við þessa auknu þjón­ustu.

Auglýsing

Kostn­aður við aukna vetr­ar­þjón­ustu með fleiri mokst­urs­dögum og auka þjón­ustu nemur um 100 millj­ónum króna. Breyt­ing­arnar munu kom­ast í fram­kvæmd eins hratt og unnt er með þeim tækjum og bún­aði sem er til stað­ar.

Sig­urður Ingi segir að brýnt sé að bæta vetr­ar­þjón­ustu víða um land vegna auk­innar umferðar bæði vegna atvinnu­sóknar milli byggð­ar­laga og auk­inna umsvifa ferða­þjón­ustu sem bjóði í síauknum mæli uppá ferðir víða um land árið um kring.

„Með þessu eykst öryggi á þjóð­veg­unum enda nauð­syn­legt bregð­ast við auknum umferð­ar­þunga og tryggja sem mest öruggar sam­göngur allt árið. Reglur um snjó­mokstur hafa ekki verið end­ur­skoð­aðar í nokkur miss­eri og þörfin var orðin brýn. Við tryggjum meira fé til þjón­ust­unnar í þágu auk­ins öryggis en um leið vil ég minna á að við þurfum alltaf að aka eftir aðstæðum og huga að hinum íslenska vetri,“ segir ráð­herra.

Suð­ur- og Suð­aust­ur­land

Á Hring­veg­inum verður þjón­usta á kafl­anum milli Víkur og Jök­ulsár­lóns færð upp um þjón­ustu­flokk. Felst aukin þjón­usta bæði í auk­inni við­veru og meiri hálku­vörn­um. Suð­ur­strand­ar­vegur er færður upp um flokk og fær 5 daga þjón­ustu í stað tveggja daga áður.

Þá verður þjón­usta aukin á nokkrum ferða­manna­vegum á Suð­ur­landi þar sem umferð hefur auk­ist mjög, svo sem á Dyra­hóla­vegi og við Skóga­foss. Einnig verður þjón­usta aukin á nokkrum stöðum í upp­sveitum á Suð­ur­landi, m.a. á Skeiða­vegi, Land­vegi, Búr­fells­vegi og víð­ar.

Vest­ur­land

Þjón­usta á milli Borg­ar­ness og Vega­móta á Snæ­fells­nesi færð upp um þjón­ustu­flokk sem og á milli Borg­ar­ness og Hvann­eyr­ar. Eins verður fjölgað mokst­ur­dögum úr tveimur í fimm daga og aukin þjón­usta á leið­inni upp í Húsa­fell (á Hálsa­sveit­ar­veg­i). Þá verður þjón­usta á Útnes­vegi aukin en umferð um hann er meiri en á veg­inum yfir Fróð­ár­heiði þar sem þjón­usta hefur verið meiri. Á þessum köflum hefur umferð auk­ist mjög síð­ustu miss­eri ann­ars vegar vegna ferða­manna og hins vegar atvinnu­sókn­ar.

Vest­firðir og Norð­ur­land

Á Vest­fjörðum verður þjón­usta aukin í nágrenni Bíldu­dals og í Skut­uls­firði og á Norð­ur­landi á Svarf­að­ar­dals­vegi, í Eyja­firði og á nokkrum stöðum á Norð­aust­ur­landi.

Krónan styrkist og Icelandair rýkur upp
Markaðsvirði Icelandair hefur sveiflast mikið eftir því hvernig því sem tíðindi hafa borist af fjármögnunarviðræðum WOW air.
Kjarninn 17. desember 2018
Forseti og varaforsetar Alþingis segja sig frá umfjöllun um Klaustursmálið
Varaforsetar Alþingis eru sex. Eftir að hafa metið athugasemdir, var ákveðið að segja sig frá umfjöllun um Klaustursmálið.
Kjarninn 17. desember 2018
Gunnar Hólmsteinn Ársælsson
Brexit: Hvers vegna eru allir á taugum vegna Írlands?
Kjarninn 17. desember 2018
Þorsteinn Már Baldvinsson er forstjóri Samherja. Hann hefur farið fram á að Már Guðmundsson seðlabankastjóri segi af sér vegna Samherjamálsins.
Bankaráð Seðlabanka Íslands biður aftur um frest vegna Samherjamáls
Bankaráð Seðlabanka Íslands vonast til þess að geta svarað erindi forsætisráðherra um hið svokallaða Samherjamál „í upphafi nýs árs“. Upphaflega fékk ráðið frest til 7. desember til að svara erindinu.
Kjarninn 17. desember 2018
Ríkisendurskoðun segir „óheppilegt“ að greining á vanda Íslandspósts liggi ekki fyrir
Íslenska ríkið ætlar að lána Íslandspósti stórfé þrátt fyrir að ekki liggi fyrir greining á því hvað valdi miklum rekstrarvanda. Ríkisendurskoðun telur það óheppilegt að ekki liggi fyrir hvernig eigi að taka á vandanum áður en fjármagn sé sett í það.
Kjarninn 17. desember 2018
Alvotech
Fuji Pharma fjár­festir í Al­votech fyr­ir 6,2 milljarða
Japanska lyfjafyrirtækið Fuji pharma hefur keypt 4,6 prósent eignarhlut í íslenska lyfjafyrirtækinu Alvotech fyrir 6,2 milljarða króna.
Kjarninn 17. desember 2018
Vextir óverðtryggðra lána hækkað um allt að 1,25 prósentustig á árinu
Hjá bönkum landsins hafa fastir vextir óverðtryggðra lána hækkað mest allra vaxta. Frá janúar 2018 hafa fastir vextir óverðtryggðra lána hækkað um 1,25 prósentustig hjá Íslandsbanka og eru nú hæstir vaxta eða 7,40 prósent í desember.
Kjarninn 17. desember 2018
Freyja Haraldsdóttir
Freyja: Orðræðan sársaukafull fyrir þolendur og viðheldur ofbeldismenningu
Orðræðan um að ekki allir þingmenn eða karlar séu blindfullir á bar að tala með ofbeldisfullum hætti um konur og jaðarsetta hópa getur verið afar sársaukafull fyrir þolendur, að mati Freyju Haraldsdóttur.
Kjarninn 17. desember 2018
Meira úr sama flokkiInnlent