Lengja frest í samkeppni um nýja mynd á Sjávarútvegshúsið

Áður prýddi stærðarinnar mynd af sjómanni austurvegg hússins, við Skúlagötu 4, en málað var yfir vegginn sem er nú skjannahvítur síðsumars 2017. Ráðuneytið vill fá fleiri umsækjendur í keppnina.

sjómaður á sjávarútvegshúsi
Auglýsing

Sjáv­ar­út­vegs­ráðu­neytið hefur fram­lengt frest til að skila inn til­lögum um nýtt lista­verk á Sjáv­ar­út­vegs­hús­ið. Skila­frest­ur­inn er nú til 1. febr­ú­ar.



Áður prýddi stærð­ar­innar mynd af sjó­manni aust­ur­vegg húss­ins, við Skúla­götu 4, en málað var yfir vegg­inn sem er nú skjanna­hvítur síð­sum­ars 2017.



Þórir Hrafns­son upp­lýs­inga­full­trúi atvinnu­vega­ráðu­neyt­is­ins segir í sam­tali við Kjarn­ann að tölu­vert af umsóknum hafi borist, en ráðu­neytið vilji fá fleiri. Síðan verk­efnið var kynnt hafi farið fram þing­kosn­ingar og jóla­há­tíð og því ekki ólík­legt að það hafi farið fyrir ofan garð og neðan hjá ein­hverj­um. Hann segir engan vegg í Norður Evr­ópu hafa fengið aðra eins umfjöll­un. „Þetta er stóra tæki­færið fyrir lista­mann sem vill láta verkið sitt sjást,“ segir Þór­ir.



Mál­verkið var sett á húsið haustið 2015 á vegum Iceland Airwa­ves-tón­list­ar­há­tíð­ar­innar og Urban National Berl­in, þar sem nokkrir lista­menn fengu frelsi til sköp­unar á hinum ýmsu bygg­ingum borg­ar­inn­ar. Hóp­ur­inn Evoca1 mál­aði sjó­mann­inn.



Auglýsing
Hjörleifur Gutt­orms­son fyrr­ver­andi ráð­herra var sagður einn helsti and­stæð­ingur mynd­ar­inn­ar, en hann býr í nágrenni húss­ins.



Þor­gerður Katrín Gunn­ars­dóttir þáver­andi sjáv­ar­út­vegs­ráð­herra efndi til sam­keppni um nýja mynd á vegg­inn en sam­kvæmt til­kynn­ingu frá ráðu­neyt­inu skal verk­efnið hafa skírskotun í sögu sjáv­ar­út­vegs á Íslandi. Höf­undum er frjálst að velja þá efn­is­út­færslu sem þeir telja henta hug­mynd sinni best, en verkið skal hafa end­ingu í að minnsta kosti þrjú ár. Mik­il­vægt er að verkið taki til­lit til umhverf­is­ins, falli vel að svæð­inu og þoli íslenska veðr­áttu.



Ráðu­neytið mun standa straum af kostn­aði við gerð og upp­færslu verks­ins að hámarki 2 millj­ónir króna. Auk þess er verð­launafé 250 þús­und krónur sem er óháð fjár­hags­ramma verk­efn­is­ins.

Meira úr sama flokkiInnlent