Demókratar og Repúblikanar deila enn um greiðslu­stöðvun banda­ríska ríks­ins, en hún hefur nú varað frá því á mið­nætti. Þrátt fyrir að Repúblikanar hafi meiri­hluta í báðum deildum banda­ríkja­þings, þá tókst ekki að fá nægi­legan stuðn­ing við stefnu for­set­ans. Demókratar eru sagðar sér­stak­lega ósáttir við að Trump og meiri­hluti Repúblik­ana hafi ekki viljað koma til móts við sjón­ar­mið þeirra í inn­flytj­enda­mál­um, en nái stefna Trump fram að ganga verður um 700 þús­und inn­flytj­end­um, sem hafa verið með und­an­þágu­heim­ild til dvalar í land­inu, vísað úr land­i. 

Greiðslu­stöðv­unin hefur víð­tæk áhrif. Greiðslur til alrík­is­stofn­ana hætta að ber­ast, þeim verður lokað og starfs­menn fá ekki greidd laun en lok­unin hefur áhrif á mörg hund­ruð þús­und rík­is­starfs­menn og öll Banda­rík­in.

Hluti grunn­þjón­ust­unnar verður þó enn fyrir hendi, til dæmis bráða­mót­tökur sjúkra­húsa, póst­þjón­ustan og raf­magns­veit­an.

Þetta gerð­ist síð­ast haustið 2013 í for­seta­tíð Baracks Obama. Þá stóð greiðslu­stöðvun í sextán daga og rík­is­starfs­mönnum var sagt að halda sig heima eða jafn­vel vinna launa­laust. 

Eitt ár er í dag síðan Don­ald Trump tók form­lega við völdum í Hvíta hús­inu, en hann ætl­aði sér að fagna þeim tíma­mótum með fjár­hags­legum bak­hjörlum sínum í Flor­ída. Hann hefur sleggið því á frest.