Sig­urður Gísli Björns­son, stofn­andi og eig­andi útflutn­ings­fyr­ir­tæk­is­ins Sæmark ehf. er grun­aður um skatta­laga­brot. Vegna þess keyptu með­eig­endur hans í öðru sjáv­ar­út­vegs­fyr­ir­tæki, Bacco Sea­prod­ucts, hlut hans. Í frétta­til­kynn­ingu frá með­eig­end­un­um, Hjalta Hall­dórs­syni og Bjart­mari Pét­urs­syni, segir að ákvörð­unin um að kaupa Sig­urð Gísla út sé tekin til að „vernda fram­tíð­ar­hags­muni félags­ins og við­skipta­sam­bönd þess. Sig­urður Gísli sé nú ekki á nokkurn hátt tengdur Bacco Sea­prod­ucts.“

Í til­kynn­ing­unni er einnig greint frá því að allt lyk­il­starfs­fólk Sæmarks hafi sagt upp störfum á mánu­dag og að ein­hverjir þeirra hafi leitað til Bacco eftir störf­um. Ekk­ert þeirra sé grunað um að hafa haft nokkra aðkomu að meintum brotum Sig­urðar Gísla. „Ákveðið hafi verið að bjóða starfs­fólk­inu störf hjá Bacco Sea­prod­ucts enda búi það yfir þekk­ingu og reynslu sem sé mik­il­væg íslenskum sjáv­ar­út­vegi. Hags­munir fram­leið­anda, starfs­fólks og við­skipta­vina hafi verið hafðir að leið­ar­ljósi við ákvörð­un­ina,“ segir í til­kynn­ing­unni.

Sæmark er stórt fisk­út­flutn­ings­fyr­ir­tæki. Bacco Sea­prod­ucts er sömu­leiðis umsvifa­mik­ill fisk­út­flytj­andi sem selur vörur undir vöru­merk­inu Icef­ish- Frozen Seafood. Bæði fyr­ir­tækin velta millj­örðum króna árlega.

Meint hund­ruð millj­óna und­an­skot

Frétta­blaðið greindi frá því 18. jan­úar að skatt­rann­sókn­ar­stjóri hafi gert hús­leit gjá Sig­urði Gísla. Auk þess hafi eignir hans verið kyrr­settar og banka­reikn­ingar fryst­ir. Hin meintu skatt­svik hans eru talin hlaupa á hund­ruð millj­óna króna. 

Upp­lýs­ingar um aflands­fé­lag í eigu Sig­urðar Gísla komu fram í Panama­skjöl­unum sem opin­beruð voru á vor­mán­uðum 2016. Félag hans heit­ir Freezing Poin­t Corp og var stofnað í Panama árið 2009. Rann­sókn skatt­rann­sókn­ar­stjóra hófst í kjöl­far­ið. Grunur er um að Sig­urður Gísli hafi gerst sekur um skatt­svik í gegnum fleiri en eitt félag. 

Sig­­urður Gísli er líka einn eig­enda fjár­­­fest­ing­­ar­­fé­lags­ins Óska­beins sem er meðal ann­­ars stór hlut­hafi í trygg­inga­­fé­lag­inu VÍS og Korta­­þjón­ust­unni.

Fjallað var um málið á sjáv­ar­út­vegsvefnum Und­erc­ur­rent News í gær. Þar segir að full­trúar skatt­rann­sókn­ar­stjóra hafi leitað á skrif­stofum Sæmarks í síð­ustu viku, nánar til­tekið 26. jan­ú­ar.