Fjár­mála­ráðu­neytið hyggst leggja fram laga­frum­varp um breyt­ingar á lögum um fjár­mála­fyr­ir­tæki til að bregð­ast við athuga­semdum sem fram komu í rök­studdu áliti ESA (Eft­ir­lits­stofn­unar EFTA) um að íslensk stjórn­völd hafi ekki inn­leitt þrjú ákvæði til­skip­unar um end­ur­skipu­lagn­ingu og slita­með­ferð lána­stofn­ana með full­nægj­andi hætti í íslenskum rétti.

Þetta kemur fram í til­kynn­ingu frá ráðu­neyt­inu þar sem segir að gert sé ráð fyrir frum­varp­inu á yfir­stand­andi þingi og sé frum­varpið á þing­mála­skrá rík­is­stjórn­ar­inn­ar.

Um er að ræða þrjár und­an­tekn­ingar frá einni aðal meg­in­reglu til­skip­un­ar­innar um að lög heima­ríkis lána­stofn­unar gildi um end­ur­skipu­lagn­ingu eða slita­með­ferð henn­ar. Þessar þrjár und­an­tekn­ingar sem um ræðir eru réttur til skulda­jafn­að­ar, greiðslu­jöfn­un­ar­samn­ingar og lög­gern­ingar sem eru lána­drottnum skað­leg­ir. Ákvæðin hafa verið inn­leidd í lög um fjár­mála­fyr­ir­tæki en álit ESA er að ekki hafi verið staðið að inn­leið­ing­unni með full­nægj­andi hætti.