Kjarn­inn miðlar ehf., móð­ur­fé­lag Kjarn­ans, hefur keypt allt hlutafé Ágústs Ólafs Ágústs­son­ar, þing­manns Sam­fylk­ing­ar­inn­ar, í félag­inu. Um er að ræða 6,25 pró­sent hlut.

Ágúst Ólafur keypti hlut í Kjarn­anum árið 2014. Á þeim tíma var hann ekki þátt­tak­andi í stjórn­mál­um. Hann sat enn fremur í stjórn mið­ils­ins um tíma. Í sept­em­ber 2017 til­kynnti Ágúst Ólafur að hann ætl­aði að hefja stjórn­mála­þátt­töku að nýju og vék hann sam­stundis úr stjórn Kjarn­ans, enda var það mat stjórn­enda Kjarn­ans, Ágústs Ólafs og ann­arra hlut­hafa að ekki færi saman að vera kjör­inn full­trúi og eiga hlut í fjöl­miðli. Sam­hliða var gert sam­komu­lag um að Ágúst Ólafur yrði með öllu óvirkur eig­andi í félag­inu og að hlutur hans yrði settur í sölu­ferli. Greint var frá þessu opin­ber­lega á sínum tíma.

Nú er því ferli lokið með ofan­greindri nið­ur­stöðu. Þá hefur Fanney Birna Jóns­dótt­ir, aðstoð­ar­rit­stjóri Kjarn­ans, bæst í hlut­hafa­hóp­inn.

Í fjöl­miðlum hefur verið fjallað um að hlutur Ágústs Ólafs Í Kjarn­anum hafi auk­ist milli áranna 2017 og 2018. Það gerð­ist í kjöl­far þess að hlut­haf­a­lán, sem veitt var vegna fjár­fest­inga á fyrri hluta árs­ins 2017, var breytt í hlutafé í byrjun árs 2018. Því átti sú aðgerð sér stað tölu­vert áður en Ágúst Ólafur til­kynnti um þátt­töku í stjórn­málum og náði kjöri sem þing­mað­ur. Fjöl­miðla­nefnd hefur verið til­kynnt um breyt­ing­arnar líkt og lög gera ráð fyr­ir.

Eign­ar­hald Kjarn­ans er eft­ir­far­andi:

Hjalti Harð­ar­son, 7,86%

Fanney Birna Jóns­dótt­ir, 0,97%

Magnús Hall­dórs­son, 11,71%

Þórður Snær Júl­í­us­son, 10,36%

Birgir Þór Harða­son, 2,46%

Jónas Reynir Gunn­ars­son, 2,46%

Kjarn­inn miðlar ehf., 6,25%

HG80 ehf., í eigu Hjálm­ars Gísla­son­ar, 18,28%

Mið­eind ehf., í eigu Vil­hjálms Þor­steins­son­ar, 17,80%

Birna Anna Björns­dótt­ir, 12,20%

Fagri­skógur ehf., í eigu Stef­áns Hrafn­kels­son­ar, 4,83%

Milo ehf., í eigu Gumma Haf­steins­sonar og Eddu Haf­steins­dótt­ur, 4,83%