Birna Ein­ars­dótt­ir, banka­stjóri Íslands­banka, seg­ist, í við­tali við Morg­un­blað­inu, hafa hvatt til þess að hæfar konur fengju einnig að kom­ast í við­tals­hóp, vegna ráðn­ingar for­stjóra Borg­un­ar, en Sæmdur Sæmunds­son tók við því starfi á dög­un­um, eftir að Haukur Odds­son hætti.

„Ég hvatti stjórn Borg­unar til­ að taka við­töl við kandídata af báðum kynj­um. Þá var ég upp­lýst um að það væru ein­göngu karlar á leið í við­töl og ég vissi af því að það hefðu mjög hæfar konur einnig ­sótt um. Ég taldi það því ekki skaða ferlið að það væri rætt við fleiri hæfa ein­stak­linga. Í lokafas­an­um í ráðn­ing­ar­ferl­inu var ein­göng­u ­tekið við­tal við einn aðila en þá lýsti ég þeirri skoðun minni að það hefði átt að vera rætt við fleiri að­ila við svona stóra ákvörð­un,“ segir Birna í sam­tali við Morg­un­blaðið í dag.

Í gær var greint frá því í Morg­un­blað­inu, að „gremja“ væri meðal hlut­hafa hjá Borgun vegna þess sem kallað var afskipti Birnu af því, hver yrði nýr for­stjóri. 

Íslands­­­banki er stærsti hlut­hafi Borg­un­­ar, með 63,5 pró­­sent hlut, en íslenska ríkið er eig­andi Íslands­­­banka. For­­maður stjórnar Borg­unar er Erlendur Magn­ús­­son, og er Íslands­­­banki með þrjá stjórn­­­ar­­menn af fimm. Aðrir í stjórn eru Björg Sig­­urð­­ar­dótt­ir,  Hall­­dór Krist­jáns­­son, Óskar Vet­­ur­liði Sig­­urðs­­son og Sig­rún Helga Jóhanns­dótt­­ir.

Í Morg­un­­blað­inu í gær sagði að þegar hafi verið ákveðið að óska ekki eftir kröftum tveggja stjórn­­­ar­­manna, á aðal­­fundi í mars, þeim Erlendi stjórn­­­ar­­for­­manni og Sig­rúnu Helg­u. 

Birna segir að ekki sé óeðli­legt að gera breyt­ingar á stjórn­inni, en í til­felli Sig­rúnar Helgu þurfti að gera breyt­ingar vegna starfa hennar á öðrum vett­vangi. Aðal­fundur Borg­unar fer fram í mars.

Með­eig­endur Íslands­banka að Borgun eru Eign­­ar­halds­­­fé­lagið Borgun slf., sem á rúm­­lega 32 pró­­sent hlut, og BPS ehf. sem á tvö pró­­sent.

Birna ítrekar enn fremur að Sæmundur njóti fyllsta traust Íslands­banka í störfum sín­um.