Segir Björn Inga hafa hótað sér, reynt að greiða skuldir með steikum og reynt „að klastra saman ríkisstjórn“

Árni Harðarson svarar kæru Björn Inga Hrafnssonar með yfirlýsingu þar sem hann ásakar m.a. Björn Inga um fjárdrátt og hótanir.

Árni Harðarson og Björn Ingi Hrafnsson
Árni Harðarson og Björn Ingi Hrafnsson
Auglýsing

Árni Harð­ar­son, sem Björn Ingi Hrafns­son hefur kært fyrir fjársvik, segir Björn Inga ítrekað hafa haft í hót­unum við sig per­sónu­lega og aðra eig­endur Dals­ins, sem ætl­uðu að kaupa fjöl­miðla­veldi hans í fyrra. 

­Mark­mið þeirra hót­ana hafi verið að kom­ast hjá „skoðun opin­berra aðila á bók­haldi og fjár­reiðum Press­unar og tengdra miðla.“ Þá segir Árni að Björn Ingi hafi reynt að greiða fá að greiða fyrir hlutafé í Press­unni með steikum frá veit­inga­hús­inu Argent­ínu, að Björn Ingi hafi fengið per­sónu­lega greiddar 80 milj­ónir króna þegar hann seldi allar eignir DV og Pressunnar og að í smá­skila­boðum sem hann hafi sent Árna á kjör­degi í fyrra hafi Björn Ingi sagt: „Er núna að klastra saman rík­is­stjórn og langar að koma á friði okkar í mill­u­m“. Þetta kemur fram í yfir­lýs­ingu sem Árni hefur sent frá sér vegna fréttar um kæru Björns Inga á hendur hon­um, Hall­dóri Krist­manns­syni og lög­manni þeirra, Bjarka Diego, til hér­aðs­sak­sókn­ara fyrir fjársvik, skila­svik og skjala­brot.

Auglýsing
Greint var frá kæru Björns Inga og við­skipta­fé­laga hans Arn­ars Ægis­sonar í Frétta­blað­inu í morg­un. Í henni er m.a. lýst „hvernig hinir kærðu hafi blekkt Björn Inga og Arnar til að und­ir­­rita sam­komu­lag um riftun á kaup­­samn­ingi um alla hluti í Birt­ing­i, undir því yfir­­skini að um mála­­mynda­­gern­ing væri að ræða, en svo notað umrætt skjal til að yfir­­­taka ­kaup­­samn­ing um Birt­ing og þann hlut, sem Pressan ehf. hafði þeg­ar greitt fyr­ir, án end­­ur­gjalds með því að beita blekk­ingum og rang­­færslu skjala, þrátt fyrir að gjald­­þrot Press­unn­ar væri yfir­­vof­andi og óum­flýj­an­­leg­t.“ Kjarn­inn greindi frá frétt Frétta­blaðs­ins í morg­un.

Yfir­lýs­ing Árna er í heild sinni hér að neð­an:

Björn Ingi Hrafns­son hefur ítrekað haft í hót­unum við mig per­sónu­lega og aðra eig­endur Dals­ins með það að mark­miði að kom­ast hjá skoðun opin­berra aðila á bók­haldi og fjár­reiðum Press­unar og tengdra miðla. Félög sem Björn Ingi var í for­svari fyrir skilja eftir sig hund­ruði millj­óna í skuld­ir, m.a. til opin­berra aðila og líf­eyr­is­sjóða. Mál­efni umræddra félaga eru nú til skoð­unar hjá skipta­stjóra Press­un­ar, sem meðal ann­ars hefur til skoð­unar hvort kröfu­höfum hafi verið mis­munað og hvort Björn Ingi hafi dregið sér fé úr þessum félögum eins og fyrr­ver­andi stjórn Press­unar hefur rök­stuttan grun um. .

Björn Ingi hefur hótað mér nokkrum sinnum þegar a) Dal­ur­inn vildi ekki láta hann per­sónu­lega fá meiri pen­ing  b) þegar hann sá að Dal­ur­inn vildi ekki setja meiri pen­ing í að bjarga illa reknum einka­banka hans í formi Pressunnar og c) þegar Dal­ur­inn vildi ekki láta hann fá hlutafé sitt í Press­unni eftir að hann seldi allar eigur þess (fyrir það átti m.a. að greiða með steikum á Argent­ínu fyrir 6 millj­ónir króna). Ekki í fyrsta sinn sem Björn Ingi bíðst til að greiða skuldir sínar með inn­eignum en hann greiddi einmitt fyrir ein­býl­is­hús sitt í Graf­ar­holti með aug­lýs­ingum í miðlum Press­unar eins og áður hefur komið fram í fjöl­miðl­um.

Björn Ingi biðst form­lega afsök­unar

Og nú er Björn Ingi búinn að kæra.  29. Októ­ber 2017 sendi Björn Ingi mér svo­fellt texta­skila­boð í fram­haldi af því að ég lét í ljós van­þóknun mína á hótun hans um kæru vegna nákvæm­lega þeirra mála er hér fjallar um:  „Ég skal biðja þig afsök­unar á því hér og nú og form­lega.  Það var ekki verð­skuldað og mér þykir fyrir því“.  (Í næstu skila­boðum stóð reyndar „Er núna að klastra saman rík­is­stjórn og langar að koma á friði okkar í mill­um“)

Björn Ingi heldur því vænt­an­lega fram núna að ein­hver hafi þvingað hendur hans á lykla­borð­inu þarna eða hvað?

Hið rétta í mál­inu er að Björn Ingi borg­aði ekki kaup­verðið fyrir Birt­ing frekar en aðrar skuldir og eig­endur Birt­ings vildu rifta, sem er oft það sem ger­ist þegar kaup­andi borgar ekki og það vita þeir sem hafa átt í við­skiptum við Björn Inga að hann borgar ekki sér­stak­lega vel eða mikið til baka.  Björn Ingi sam­þykkti þá riftun skrif­lega, þó hann sjái kannski eftir því í dag því þá gat hann ekki selt Birt­ing um leið og hann seldi allar aðrar eignir félags sem hann átti minni­hluta í.

Björn Ingi fékk per­sónu­lega greiddar 80 millj­ónir þegar hann seldi allar eignir DV og Pressunnar eins og með­fylgj­andi kaup­samn­ingar bera skýr­lega með sér.  Í mínum huga er þetta borð­leggj­andi fjár­drátt­ur.  Á sama tíma er hann ósáttur við að bera per­sónu­lega ábyrgð á 50 milljón króna láni til hans einka­hluta­fé­lags.  Af hverju er hann það.  Ætl­aði hann aldrei að greiða þetta lán til baka?  Dæmi nú hver fyrir sig en ég hef ekki áhyggjur af þeirri fjöl­miðlafléttu sem Björn Ingi er að reyna setja upp í þeim til­gangi að hefna sín á mönnum sem hann telur sig eiga sök­ótt við.  Ég legg að sjálf­sögðu öll gögn sem hér­aðs­sak­sókn­ari hefur áhuga á að sjá fram til sak­sókn­ara.  Þau gögn eru Birni Inga ekki til fram­drátt­ar.“

Kaup­samn­ingur um útgáfu­rétt­indi DV.

Kaup­samn­ingur um útgáfu­rétt­indi Pressunn­ar.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Efsta lagið á Íslandi á nær öll verðbréf í beinni eigu einstaklinga hérlendis
Á sex ára tímabili hefur verðbréfaeign Íslendinga vaxið um 192 milljarða króna, eða um 52 prósent. Af þeirri upphæð hefur 175 milljarðar króna farið til þeirra tíu prósenta landsmanna sem mest eiga, eða 91 prósent.
Kjarninn 27. september 2020
Vörur Gaza Company byggja hvort tveggja á íslenskum og palenstínskum hefðum í saumaskap.
Gjöf frá Gaza
Markmið verkefnisins Gjöf frá Gaza er að hjálpa palestínskum konum að halda fjárhagslegu sjálfstæði sínu svo þær geti framfleytt sér og fjölskyldum sínum. Nú má kaupa vörur Gaza Company á Karolinafund og styðja þannig við verkefnið.
Kjarninn 27. september 2020
Eggert Gunnarsson
Stórihvellur
Kjarninn 27. september 2020
Sólveig Anna Jónsdóttir
Nokkur orð um stöðuna
Kjarninn 27. september 2020
Halldór Benjamín var gestur í Silfrinu í dag.
Segir algjöran skort hafa verið á samtali
Halldór Benjamín Þorbergsson sagði í Silfrinu í morgun að verkalýðshreyfingin hefði hafnað því að eiga í samtali um útfærsluatriði Lífskjarasamnings. Kosning fyrirtækja innan SA um afstöðu til uppsagnar kjarasamninga hefst á morgun.
Kjarninn 27. september 2020
Tuttugu ný smit innanlands – fjölgar á sjúkrahúsi
Fjórir einstaklingar liggja nú á sjúkrahúsi vegna COVID-19 og fjölgar um tvo milli daga. Einn sjúklingur er á gjörgæslu.
Kjarninn 27. september 2020
Framundan er stór krísa en við höfum val
„Okkar lærdómur af heimsfaraldrinum er sá að við höfum gengið of hart fram gagnvart náttúrunni og það er ekki víst að leiðin sem við vorum á sé sú besta,“ segir Stefán Gíslason, umhverfisstjórnunarfræðingur.
Kjarninn 27. september 2020
James Albert Bond er hér til vinstri ásamt Daniel Craig sem hefur farið með hlutverk njósnarans James Bond síðustu ár.
Bond, James Bond
Margir kannast við eina frægustu persónu hvíta tjaldsins, James Bond njósnara hennar hátignar. Sem ætíð sleppur lifandi, þótt stundum standi tæpt. Færri vita að til var breskur njósnari með sama nafni, sá starfaði fyrir Breta í Póllandi.
Kjarninn 27. september 2020
Meira úr sama flokkiInnlent