Áætl­aður sparn­aður rík­is­ins af minni snjó­mokstri, við­haldi vega og vega fram­kvæmdum í Hval­firði eftir opnun Hval­fjarð­ar­ganga, sem og sparn­aður af því að hætta sigl­ingum Akra­borg­ar, eru rúm­lega 4,5 millj­arðar sam­kvæmt svari Sig­urðar Inga Jóhanns­sonar sam­göngu og sveit­ar­stjórn­ar­ráð­herra við fyr­ir­spurn þessa efn­is. Halla Signý Krist­jáns­dóttir þing­maður Fram­sókn­ar­flokks­ins í Norð­vest­ur­kjör­dæmi spurði ráð­herra um sparn­að­inn.

Í svari ráð­herra kemur fram að snjó­mokst­urs­relgum fyrir Hval­fjarð­ar­veg hafi lítið breyst með til­komu gang­anna. Enn séu ákveðnir kaflar mok­aðir og hálku­varðir alla daga vik­unn­ar. Þjón­ustu­stigið sé hins vegar heldur lægra en það væri ef öll umferð færi um Hval­fjörð­inn.

Farið er yfir hvernig umferð um veg­inn hefði þró­ast ef göngin hefðu ekki komið til. Lík­leg­ast er að ef svo hefði verið hefði veg­ur­inn verið þjón­u­staður sam­kvæmt þjón­ustu­flokki 2 síð­ustu 20 árin, sem hefði þýtt útgjöld sem næmi um 80 millj­ónum króna á núvirði. Hefði veg­ur­inn verið í þjón­ustu­flokki 1 hefði verið um að ræða 480 millj­óna sparnað að ræða á þessum 20 árum.

Fram kemur að erfitt sé að meta með öruggum hætti hversu miklu fé hefði þurft að verja til við­halds veg­ar­ins ef Hval­fjarð­ar­ganga hefði ekki notið við. Áætla megi að umferð um Hval­fjörð hefði vart vaxið í sam­ræmi við þau gögn sem miðað er við, þar sem umferð um Hval­fjarð­ar­botn sem og göngin eru tekin sam­an, en var­færið mat gæti verið 3.000 til 4.500 bílar á dag. Hefði það orðið raunin sé nokkuð víst að nauð­syn­legt hefði verið að styrkja og breikka að minnsta kosti helm­ing veg­ar­ins og eins hefði þurft að end­ur­nýja slit­lag minnst þrisvar sinnum oftar en raunin varð síð­ast­liðin tíu ár. Þetta gæti hafa kostað á verð­lagi dags­ins í dag á milli 1.200 og 2.000 millj­ónir króna.

Þá var árlegur kostn­aður Vega­gerð­ar­innar vegna Akra­borgar síð­ustu árin sem hún var í rekstri um 41 milljón á verð­lagi árs­ins 1997, þar af 23 millj­ónir vegna stofn­kostn­að­ar, það er afborg­anir af lánum og 18 millj­ónir í rekstr­ar­styrk. Fram­reiknað með bygg­ing­ar­vísi­tölu jafn­gildir það 70 millj­óna króna stofn­styrk og 55 millj­óna króna rekstr­ar­styrk eða alls 125 millj­ónir á verð­lagi 2018. Á 20 árum gera það 2,5 millj­arða.

Alls hefði sparn­að­ur­inn því minnst verið 3.780 millj­ónir á þessum 20 árum en mest 4.980 millj­ón­ir.