Lands­bank­inn hefur ákveðið að ganga til samn­inga við Ark­þing ehf. og C.F. Møller um hönnun og þróun á nýbygg­ingu bank­ans við Aust­ur­höfn í Reykja­vík, sem stað­sett verður milli Hörpu og Hafn­ar­torgs. Áætluð stærð húss­ins er um 16.500 fer­metr­ar, auk bíla­kjall­ara sem nýt­ast mun öllu svæð­inu við Aust­ur­höfn. Bank­inn hyggst nýta um 10 þús­und fer­metra í nýja hús­inu undir eigin starf­semi en restin fer undir aðra verslun og þjón­ustu.

Sjö arki­tektateymi voru í októ­ber síð­ast­liðnum valin til að skila inn frum­til­lögum að hönnun húss­ins og í jan­úar bár­ust bank­anum til­lögur frá sex teym­um, að við­hafðri nafn­leynd. Þriggja manna ráð­gjafa­ráð var banka­stjóra og banka­ráði til full­tingis við ákvörð­un­ina og mælti ráð­gjafa­ráðið með þeirri til­lögu sem varð fyrir val­inu. Þegar samn­ingar við til­lögu­höf­unda liggja fyrir mun vinna við fulln­að­ar­hönnun húss­ins hefj­ast. Frum­til­lagan getur tekið breyt­ingum á hönn­un­ar­stigi, þótt heild­ar­yf­ir­bragð húss­ins verði óbreytt. Stefnt er að því að hefja fram­kvæmdir í byrjun næsta árs. Bygg­ing húss­ins verður boðin út.

Í til­kynn­ingu frá bank­anum er haft eftir Lilju Björk Ein­ars­dóttur banka­stjóra Lands­bank­ans að með þessu verði starf­semi bank­ans flutt í mun minna, hag­kvæmara og hent­ugra hús­næði. „Við erum að flytja starf­semi bank­ans í mun minna, hag­kvæmara og hent­ugra hús­næði. Einn helsti kostur til­lög­unnar er að vinnu­rýmin eru ákjós­an­leg og með góðum inn­byrðis tengslum sem styðja við nútíma vinnu­um­hverfi þar sem áhersla verður lögð á verk­efna­mið­aða vinnu­að­stöðu. Húsið er vel hannað skrif­stofu- og versl­un­ar­hús­næði og þeir hlutar húss­ins sem bank­inn hyggst leigja eða selja undir aðra starf­semi eru vel heppn­að­ir. Það skiptir miklu máli að skipu­lag húss­ins er sveigj­an­legt og því verður auð­velt að móta húsið að breyt­ingum á starf­semi bank­ans. Þetta er fjár­fest­ing til fram­tíð­ar.“

Lands­bank­inn er nú með starf­semi í 13 húsum í mið­borg Reykja­vík­ur, að langstærstum hluta í leigu­hús­næði, í alls 21 þús­und fer­metr­um. Bank­inn segir núver­andi hús­næði bæði óhent­ugt og óhag­kvæmt fyrir rekstur bank­ans. Banka­ráð Lands­bank­ans ákvað vorið 2017 að byggja hús­næði fyrir starf­semi bank­ans að Aust­ur­bakka 2 við Aust­ur­höfn.