Stjórnmálaheimspeki Hannesar ekki kennd næsta vetur

Hannes Hólmsteinn Gissurarson, prófessor við Stjórnmálafræðideild, mun ekki kenna áfangann Stjórnmálaheimspeki á komandi haustmisseri, þar sem hann verður í rannsóknarleyfi.

Hannes Hólmsteinn Gissurarson
Auglýsing

Hannes Hólmsteinn Gissurarson, prófessor við Stjórnmálafræðideild, mun ekki kenna áfangann Stjórnmálaheimspeki á komandi haustmisseri, þar sem hann verður í rannsóknarleyfi. Þetta kemur fram í frétt á síðunni Student.is.

Í desember sendu 65 nemendur kröfur til deildarinnar þess efnis að Hannes yrði formlega ávíttur, bók hans Saga Stjórnmálakenninga yrði aflögð sem kennslugagn og að nemendum yrði ekki lengur skylt að sitja áfangann. Á fundi Stjórnmálafræðideildar daginn eftir, þegar staðfesta átti kennsluskrá háskólaársins 2018-2019, las Baldur Þórhallsson, forseti deildarinnar, upp erindið.

Auglýsing

Í fundargerðinni, sem Student.is hefur undir höndum, kemur einnig fram að fulltrúi nemenda hafi komið á framfæri kvörtunum nemenda en þær snúi að kennslubók námskeiðsins og kennsluháttum Hannesar sem að þeirra mati innihaldi kynþáttafordóma, kvenfyrirlitningu, fitufordóma og virðingarleysi við fólk með fatlanir. Lagði nemendafulltrúinn til að annar kennari væri fenginn til að kenna námskeiðið eða að nemendur fengju að velja sambærilegan áfanga í Heimspekideild.

Í kjölfarið var kennsluskrá BA-námsins samþykkt, fyrir utan námskeiðið Stjórnmálaheimspeki, þar sem málefni þess væru til skoðunar.

Málið var síðan sett í hendur forseta félagsvísindasviðs, Daða Más Kristóferssonar, þar sem það fór í hefðbundið ferli. Hann segir sviðinu skylt að rannsaka jafn alvarlegar ásakanir og þær sem nemendur komu fram með. Það hafi verið gert og niðurstaðan liggi fyrir en verði ekki gerð opinber. Daði Már vildi ekki svara fleiri spurningum þar sem honum væri óheimilt að tjá sig um málefni einstaka starfsmanna.

Til stóð að Hannes færi í rannsóknarleyfi á vorönn 2019 en nú liggur fyrir að leyfið verður tekið á haustönn á þessu ári. Hannes segir breytinguna ekkert hafa með kvartanir nemanda að gera. Þetta kemur fram í skriflegu svari hans til Student.is en Hannes birtir samskipti sín við blaðamann á bloggsíðu sinni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Upplýsingar um alla hluthafa og hversu mikið þeir eiga í skráðum félögum hafa legið fyrir á opinberum vettvangi undanfarið. Þetta telur Persónuvernd stríða gegn lögum.
Persónuvernd telur víðtæka birtingu hluthafalista fara gegn lögum
Vegna nýlegra lagabreytinga hefur verið hægt að nálgast heildarhluthafalista skráðra félaga í Kauphöllinni í samstæðureikningum á vef Skattsins. Persónuvernd telur þessa víðtæku birtingu fara gegn lögum.
Kjarninn 18. júní 2021
Flókið að fást við fólk sem lætur sannleikann ekki þvælast fyrir sér
Kerfið brást Helgu Björgu harðlega eftir að hún upplifði stöðugt áreiti borgarfulltrúa Miðflokksins í um tvö ár án þess að geta borið hönd fyrir höfuð sér. Málið hefur haft margvíslegar alvarlegar afleiðingar á andlega og líkamlega heilsu hennar.
Kjarninn 18. júní 2021
Horft frá Nauthólsvík yfir á Kársnes og að Hamraborg, þar sem Kópavogsbær stefnir á uppbyggingu þéttrar byggðar meðfram væntum borgarlínuleiðum.
Telur kjörnum fulltrúum skylt að rýna í hugmyndir um ódýrari Borgarlínu
Bæjarfulltrúi Sjálfstæðisflokksins í Kópavogi vill rýna betur í hugmyndir um ódýrari Borgarlínu, sem lagðar hafa verið fram að undanförnu, svo vilji sveitarstjórna sé skýr í málinu. Einnig viðrar hún sérstakar áhyggjur af rekstrarkostnaði.
Kjarninn 18. júní 2021
N1 er vinsælasti viðkomustaður þeirra sem hafa notað nýju ferðagjöf stjórnvalda.
Bensínstöðvar, baðlón og skyndibitastaðir vinsælust hjá notendum nýrrar ferðagjafar
Yfir 10 þúsund manns hafa nýtt nýja ferðagjöf stjórnvalda og um 50 milljónir króna verið greiddar út. Kunnugleg nöfn raða sér í efstu sæti þeirra fyrirtækja sem tekið hafa við mestu en baðlónið Sky Lagoon kemur nýtt inn á lista og tyllir sér í annað sæti.
Kjarninn 17. júní 2021
Guðjón Sigurðsson
Alþjóðlegur MND dagur 20. júní 2021
Kjarninn 17. júní 2021
Már Guðmundsson, fyrrverandi seðlabankastjóri.
Fyrrverandi seðlabankastjóri fékk fálkaorðuna
Forseti Íslands sæmdi fjórtán manns fálkaorðunni á Bessastöðum í dag.
Kjarninn 17. júní 2021
Gunnar Smári Egilsson, formaður framkvæmdastjórnar Sósíalistaflokksins.
Vilja endurvekja sjálfstæðisbaráttuna
„Eins og fyrri kynslóðum tókst að umbreyta íslensku samfélagi með sjálfstæðisbaráttu almennings þá mun okkur takast það einnig. Þeim tókst það og okkur mun líka takast það.“ Sósíalistaflokkurinn sendi frá sér tilkynningu í tilefni af 17. júní.
Kjarninn 17. júní 2021
Ólafur Ólafsson
Mannréttindadómstóll Evrópu vísar kæru Ólafs Ólafssonar frá
MDE hafnaði í morgun með afgerandi hætti að Rannsóknarnefnd Alþingis hefði brotið gegn rétti Ólafs Ólafssonar til réttlátar málsmeðferðar.
Kjarninn 17. júní 2021
Meira úr sama flokkiInnlent