Fjár­festir­inn Róbert Wessman á til­kall til ríf­lega 22 pró­sent hlutar í lyfja­fyr­ir­tæk­inu Alvogen ­sem hann stofn­aði í félagi við sam­starfs­menn sína árið 2009. 

Frá þessu er greint í Morg­un­blað­inu í dag, og er það vitnað til gagna sem blaðið hefur afl­að. Ítar­legar er fjallað um fjár­málaum­svif Róberts og Alvogen í Morg­un­blað­inu í dag.

„Hingað til­ hefur því verið haldið fram að Róbert eigi ekki hluti í fyr­ir­tæk­inu. Eign­ar­hald hans hefur nú feng­ist stað­fest á grund­velli gagna sem Morg­un­blað­ið hefur afl­að. Skjölin stað­festa að eign­ar­hald­ið ­teygir sig um flókið net eign­ar­halds­fé­laga ­sem teygja sig frá Ísland­i til Jersey, Lúx­em­borg­ar, Sví­þjóðar og Banda­ríkj­anna. Allt að 90 millj­arða virð­i ­Gengi hluta­bréfa í Alvogen er ekki ­skráð opin­ber­lega. Frétta­veit­an Bloomberg hefur það hins vegar eft­ir heim­ild­ar­mönnum innan fyr­ir­tæk­is­ins að það sé metið á um 4 millj­arða ­Banda­ríkja­dala. Sé það verð­mat nærri raun­veru­leik­an­um má gera ráð fyrir að ­eign­ar­hlutur Róberts, sem vistað­ur­ er í sjálfs­eign­ar­sjóði á aflandseyj­unn­i Jersey, sé met­inn á allt að 90 millj­arða króna,“ segir í umfjöllun Morg­un­blaðs­ins.

Sjálfs­eign­ar­sjóð­ur­inn ber heitið Hexa­lon­i­a Tr­ust og var stofn­aður seint á árin­u 2015, sam­kvæmt umfjöllun Morg­un­blaðs­ins. 

Þá stað­festir Árni Harð­ar­son, að­stoð­ar­for­stjóri Alvogen, við Morg­un­blaðið að sjóð­ur­inn hafi eign­ast 74 pró­sent hlut í félag­inu Aztiq Fin­ance Hold­ing í Lúx­em­borg sama ár en það félag fer ­með um 30 pró­sent hlut í Alvogen. „Verð­mætin sem lögð voru til grund­vall­ar hluta­fjár­aukn­ing­unni hafði Róbert lagt inn í sjálfs­eign­ar­sjóð­inn. Ekki hefur feng­ist stað­fest hve mikið fé það var eða hvaðan það kom,“ segir í Morg­un­blað­inu.

Upp­fært klukkan 10:04.

Kjarn­anum barst yfir­lýs­ing frá helstu stjórn­endum Alvogen vegna frétt­ar­inn­ar. Hún fylgir hér á eft­ir: 

Yfir­lýs­ing vegna umfjöll­unar Morg­un­blaðs­ins

Morg­un­blaðið birti í morgun umfjöllun um eign­ar­hald lyfja­fyr­ir­tæk­is­ins Alvogen og vill fyr­ir­tækið og stjórn­endur þess koma eft­ir­far­andi athuga­semdum á fram­færi.

Stefán Einar Stef­áns­son  blaða­maður á Morg­un­blað­inu óskaði eftir við­tali við stjórn­end­ur Alvogen í lið­inni viku og vildi ræða eign­ar­hald fyr­ir­tæk­is­ins. Þegar til fund­ar­ins kom var ljóst að þau gögn sem blaða­mað­ur­inn hafði undir höndum hafði verið stolið af skrif­stofu félags­ins. Engu að síður var orðið við ósk blaða­manns um við­tal og öllum spurn­ingum hans var svar­að.

Morg­un­blaðið bauð Alvogen að koma á fram­færi athuga­semdum og til­vitnun um fyr­ir­hug­aða umfjöllun blaðs­ins. Það var þegið með þökkum og neð­an­greindar upp­lýs­ingar sendar blað­inu. Í sam­skiptum við blaða­mann var óskað eftir því að sann­girni og jafn­ræðis yrði gætt í umfjöllun Morg­un­blaðs­ins um eig­end­ur Alvogen og að sjón­ar­miðum aðila væri komið á fram­færi. Blaða­maður gaf Alvogen munn­legt og skrif­legt sam­þykki fyrir því að athuga­semd­ir Alvogen yrðu teknar með í umfjöllun blaðs­ins og sagð­ist tryggja að slíkt yrði birt að fullu með net­rétt blaðs­ins sem var ekki gert. 

Morg­un­blaðið ákveð­ur hins­vegar að hand­velja upp­lýs­ingar úr gögnum máls­ins og taka ekki inn inn­sendar athuga­semdir fyr­ir­tæk­is­ins sem blaða­maður hafði sjálfur boð­ið Alvogen að veita. Með þessu er eign­ar­hald fyr­ir­tæk­is­ins gert tor­tryggi­legt án þess að við­eig­andi skýr­ingar fái að fylgja með. Þannig skortir umfjöllun blaða­manns jafn­ræði og sann­girni í sinni umfjöllun sem for­svars­menn fyr­ir­tæk­is­ins harma.

Eft­ir­far­andi er yfir­lýs­ing Alvogen sem send var blaða­manni Morg­un­blaðs­ins í gær. Fyr­ir­tækið hefur nú í morgun ítrekað ósk sína um að athuga­semdir verði birtar í heild sinni líkt sem Stefán Einar Stef­áns­son, blaða­maður Morg­un­blaðs­ins hafði bæði boðið og lofað við­mæl­endum sínum að yrði birt. 

Árni Harð­ar­son, aðstoð­ar­for­stjóri Alvogen, segir að hér eftir sem hingað til sé það auð­sótt mál að veita upp­lýs­ingar um eign­ar­hald fyr­ir­tæk­is­ins. Í dag séu eig­in­legir hlut­hafar fyr­ir­tæk­is­ins fjór­ir; Aztiq Pharma Partners SCA (fjár­fest­ing­ar­sjóður í Lux­em­borg) alþjóð­legi fjár­fest­inga­sjóð­ur­inn CVC Capi­tal Partners, Tema­sek, sem er sjóður í eigu rík­is­stjórn­ar Singa­pore, og Vatera Healt­hcare Partners, í Banda­ríkj­un­um.  Aðkoma þess­ara sjóða hefur áður ver­ið til umfjöll­un­ar í fjöl­miðl­u­m. Astiq Pharma Parters SCA, fjár­fest­inga­sjóður undir stjórn Róberts Wessman á 31% eign­ar­hlut, en frá stofnun sjóðs­ins hefur hann verið hlut­hafi í Alvogen eins og kunn­ugt er.  Mun fleiri fjár­festar eru aðilar að fjár­fest­ingu í Alvogen og flestir þeirra eru alþjóð­leg­ir fjár­fest­ing­ar­sjóð­ir í dreifðu eign­ar­hald­i. 

Á árinu 2015 komu inn fram­an­greindir við­bótar fjár­festar í Alvogen og sama ár var sjálfs­eign­ar­stofn­un­in, Hexa­lonia trust, stofnuð af Róberti með það að mark­miði að taka þátt í breyttu eign­ar­haldi.  Sá sjóður hefur frá stofnun ekki frekar en aðrir núver­andi fjár­festar í Alvogen haft neinar tekjur eða arð af fjár­fest­ing­unni. “Það hefur alltaf staðið til að fjár­fest­ing Astiq Pharma Partners í Alvogen yrði far­sæl, en það liggur því miður enn ekki fyrir þar sem félagið hefur ekki verið selt og lyfja­geir­inn er eins og þeir sem til þekkja, hverf­ull.  Fé­lagið byggir alfarið á hug­mynda­fræði Róberts og ásetn­ingur allra hlut­að­eig­andi er að Róbert njóti góðs af því ef það ger­ist enda er mögu­leg verð­mæta­sköpun sjóðs­ins og Alvogen í hans hönd­um. Stofn­un Hexa­lonia hefur þann kost að Róbert getur tryggt að ráð­stöfun fjár­muna úr sjóðnum fari ekki til ann­arra en erf­ingja til fram­tíðar og þó um leið sé fórnað ákveðnu skatta­legu hag­ræði.  Hér er átt við þann aug­ljósa ókost slíkra sjóða sem er að greiddur er tekju­skattur af greiðslum úr hon­um, ef til kem­ur, sem er rúm­lega tvö­föld skatt­lagn­ing fjár­magnstekna.  

Árni segir enn fremur að form slíkra sjóða sé, á sama veg og gildir um sjálfs­eign­ar­stofn­anir á Íslandi, þannig að Róbert afsali sér að fullu rétti til­ ­eign­ar­halds, ákvarð­ana eða ráð­staf­ana varð­andi eignir sjóðs­ins og sé þannig ekki eig­andi þeirra eigna er undir sjóð­inn falla og getur ekki undir neinum kring­um­stæðum ráð­stafað eignum hans.  Hann, eins og fjöl­skylda hans, er það sem á ensku er kall­að benef­ici­ary og á íslensku kall­ast senni­lega skil­yrtur rétt­hafi að fram­tíðar fjár­munum ef hugs­an­lega er úthlutað í fram­tíð­inni úr þess­ari sjálfs­eign­ar­stofn­un.  Ró­bert er því líkt og áður ekki beinn hlut­hafi í Alvogen en von­andi hans vegna, mun sjálfs­eign­ar­stofn­un­in Hexa­lonia njóta góðs af mögu­legum arði vegna fjár­fest­ingar í Alvogen og úthluta fjár­munum til fjöl­skyldu hans í fram­tíð­inni.  Allar slíkar úthlut­anir eru að sjálf­sögðu að fullu tekju­skatts­skyldar á Íslandi, ef mót­tak­andi þeirra tekna býr þar.”