Banda­ríska fyr­ir­tækið Assess­ment Systems, þjón­ustu­að­ili prófa­kerfis Mennta­mála­stofn­un­ar, hefur við­ur­kennt að mis­tök í upp­setn­ingu evr­ópsks gagna­grunns stofn­un­ar­innar hafi truflað próftöku rúm­lega 4.300 íslenskra nem­enda sem hugð­ust þreyta sam­ræmd próf í íslensku og ensku í síð­ustu viku. Villan varð til þess að margir nem­endur komust ekki inn í prófin og urðu frá að hverfa eða svör­uðu próf­inu við óvið­un­andi kring­um­stæð­ur. Þetta hafði umtals­verða röskun í för með sér á skipu­lagi skóla­starfs 9. bekk­inga víða um land. Sjálf­stæð athugun utan­að­kom­andi aðila verður gerð opin­ber.

Þetta kemur fram í til­kynn­ingu frá Mennta­mála­stofn­un. 

Arnór Guð­munds­son, for­stjóri Mennta­mála­stofn­un­ar, segir að eng­inn vafi sé á því að end­an­leg ábyrgð á fram­kvæmd sam­ræmdra könn­un­ar­prófa í grunn­skólum liggi hjá Mennta­mála­stofn­un.

Í til­kynn­ing­unni segir að Mennta­mála­stofnun hygg­ist gera allt sem í hennar valdi stendur til að sams­konar röskun verði ekki aftur og taki undir orð Lilju Alfreðs­dóttur mennta­mála­ráð­herra að mis­tökin séu óásætt­an­leg fyrir íslenskt mennta­kerf­i. 

„Hefur því verið gengið frá ráðn­ingu óháðs aðila til að fara yfir ferlið í heild sinni og leiða í ljós hvort eitt­hvað í und­ir­bún­ingi stofn­un­ar­innar hafi mátt betur fara. Nið­ur­stöður þeirrar sjálf­stæðu athug­unar verða gerðar opin­ber­ar. Mennta­mála­stofnun hefur einnig óskað eftir því við mennta- og menn­ing­ar­mála­ráðu­neytið að kall­aður verði saman sér­fræði­hópur sem hefur eft­ir­lit með fram­kvæmd sam­ræmdra könn­un­ar­prófa.

Mennta­mála­stofnun mun, í sam­ráði við mennta- og menn­ing­ar­mála­ráðu­neyt­ið, skera úr um hvernig farið verður með nið­ur­stöður sam­ræmdra könn­un­ar­prófa nú í ár. Nið­ur­staða hvað það varðar mun liggja fyrir eftir fund með hags­muna­að­ilum á mið­viku­dag. Gætt verður sér­stak­lega að hags­munum allra nem­enda og jafn­ræði milli þeirra trygg­t,“ segir í til­kynn­ing­unni.

Arnór biður nem­end­ur, for­eldra, kenn­ara og skóla­stjórn­endur inni­lega afsök­unar á þeim mis­tökum sem urðu við fram­kvæmd próf­anna í síð­ustu viku. „Þó að ástæðan hafi verið villa í tölvu­kerfi Assess­ment Systems þá er eng­inn vafi á því að end­an­leg ábyrgð á fram­kvæmd sam­ræmdra könn­un­ar­prófa í grunn­skólum liggur hjá Mennta­mála­stofn­un. Við þurfum að skoða vel hvort ástæða sé til að gera breyt­ingar á fram­kvæmd­inni og mun sú skýrsla, sem nú er kom­inn í vinnslu, von­andi gagn­ast við þá vinn­u,“ segir hann.