„Við verðum bara að segja eins og er að auðvitað tekur þetta á“

Þingmaður Vinstri grænna segir að ekki þurfi að koma á óvart að hún hafi greitt atkvæði með vantrauststillögu á Sigríði Á. Andersen dómsmálaráðherra í síðustu viku og að hún vilji ekki spá fyrir um það hvort ríkisstjórnarsamstarfið haldi út kjörtímabilið.

Rósa Björk Brynjólfsdóttir, þingmaður Vinstri grænna.
Rósa Björk Brynjólfsdóttir, þingmaður Vinstri grænna.
Auglýsing

Rósa Björk Brynj­ólfs­dótt­ir, þing­maður VG, segir að ekki þurfi að koma neinum á óvart að hún hafi greitt atkvæði með van­traust­s­til­lögu stjórn­ar­and­stöð­unnar á Sig­ríði Á. And­er­sen í síð­ustu viku. Þetta kom fram í Víg­lín­unni á Stöð 2 um helg­ina. 

Við verðum bara að segja eins og er að auð­vitað tekur þetta á. Auð­vitað tekur það á þegar tveir þing­menn í þing­flokki eru á annarri línu en aðrir þing­menn og við þurfum bara að horfast í augu við það og ræða það opin­skátt,“ segir hún þegar hún er spurð út í and­rúms­loftið í flokkn­um. Hún sé aftur á móti ekki sam­mála því að ástæða sé fyrir því að kanna stöðu hennar sér­stak­lega, eða stöðu Andr­ésar Inga Jóns­sonar sem einnig greiddi atkvæði með til­lög­unn­i. 

Hún seg­ist ekki ætla að færa sig um set og að hún ætli sér að halda áfram að vera í Vinsti græn­um. Hún styðji Katrínu Jak­obs­dótt­ur, for­mann flokks­ins, en áskilji sér rétt til að kjósa eftir sinni sann­fær­ingu í ákveðnum málum eins og í þessu til­felli.

Auglýsing

Staða Sig­ríðar við­kvæm

„Þegar ég útskýrði mína afstöðu gagn­vart þessu rík­is­stjórn­ar­sam­starfi þá var Sig­ríður og hennar emb­ætt­is­færslur ein af þeim ástæðum sem ég til­tók sem voru þess vald­andi að ég greiddi gegn rík­is­stjórn­ar­sam­starf­in­u,“ segir Rósa. Hún segir jafn­framt að staða Sig­ríðar sé gríð­ar­lega við­kvæm.

Hún telur að þing­menn ættu að temja sér það almennt að segja ekki eitt í dag og annað á morg­un. „Við eigum að vera sam­kvæm sjálfum okkur í póli­tík­inni og ég er að reyna það. Þetta rímar full­kom­lega við mínar áherslur á þing­inu í júní síð­ast­liðn­um,“ bætir hún við. 

Rósa seg­ist treysta ráð­herrum VG fylli­lega, enda hljómi fyr­ir­ætl­anir þeirra í sínum mála­flokkum vel, og muni hún styðja þær því þær séu góð­ar. „En ég er búin að útskýra mína afstöðu gagn­vart þessu stjórn­ar­sam­starfi. Ég sagði hér í nóv­em­ber og des­em­ber að ég teldi gott fyrir íslenska kjós­endur að Sjálf­stæð­is­flokk­ur­inn fengi frí frá völd­um,“ segir hún. 

Hvernig eiga vinnu­brögðin að vera?

Rósa telur að í ljósi atburða síð­ustu viku þá þurfi þing­menn að velta því fyrir sér hvernig vinnu­brögð þeir vilji iðka í íslenskri póli­tík. „Það hefur verið mikið ákall um ný vinnu­brögð hér frá hruni. Þau áköll komu líka frá Rann­sókn­ar­skýrslu Alþingis og ég held að þetta sé mjög alvar­leg áminn­ing fyrir okkur að fara eftir þeim skýru línum sem þar komu fram og hlusta og hlýða á það ákall sem hefur verið í sam­fé­lag­inu um ný vinnu­brögð,“ segir hún. 

Hún telur jafn­framt að þing­mönnum beri að kjósa sam­kvæmt sann­fær­ingu sinni og að öllum þing­mönnum sé hollt að íhuga þau gildi sem þeir eiga að starfa eft­ir.

Rósa vill ekki spá fyrir um það hvort rík­is­stjórnin muni halda út kjör­tíma­bil­ið. Hún segir að mikil áskorun felist í rík­is­stjórn­ar­sam­starf­inu, þ.e. að leiða saman flokka á sitt hvorum ásn­um. Það sé mikið og krefj­andi verk­efni.

Benedikt: Jodie Foster er baráttukona
Stórleikkonan Jodie Foster ætlar sér að endurgera kvikmyndina Konan fer í stríð, sem Benedikt Erlingsson leikstýrði.
Kjarninn 10. desember 2018
Horft til þess að nýta skráðan markað til að selja hluti í ríkisbönkunum
Í Hvítbók stjórnvalda um framtíðarsýn fyrir fjármálakerfið kemur fram að vantraust á fjármálakerfinu sé enn „djúpstætt“. Langan tíma muni taka að ná upp trausti á því á nýjan leik.
Kjarninn 10. desember 2018
Bjarni Benediktsson, fjármálaráðherra.
Hvítbók um framtíðarsýn fyrir fjármálakerfið lítur dagsins ljós
Gott regluverk og öflugt eftirlit, hagkvæmni í bankarekstri og traust eignarhald fjármálafyrirtækja eru þær þrjár meginstoðir sem framtíðarsýn íslensks fjármálakerfis þarf að mótast af.
Kjarninn 10. desember 2018
Sara Dögg Svanhildardóttir
Dýrt húsnæði og há gjöld ýta undir einsleitni
Kjarninn 10. desember 2018
Þögul mótmæli við síðustu þingsetningu
Meirihluti Íslendinga telur það mikilvægt að fá nýja stjórnarskrá
Meirihluti landsmanna segir það mikilvægt að Íslendingar fái nýja stjórnarskrá á yfirstandandi kjörtímabili, samkvæmt nýrri könnun MMR. Konur reyndust líklegri til að segja endurnýjun stjórnarskrár mikilvæga.
Kjarninn 10. desember 2018
Sigþrúður Guðmundsdóttir, Ásmundur Einar Daðason og Ellen Calmon
Efla fræðslu um þjónustu og lagaleg úrræði í þágu kvenna af erlendum uppruna
Konur af erlendum uppruna eru margar hverjar í bagalegri stöðu til að komast úr erfiðum heimilisaðstæðum. Þær kunna margar hverjar ekki tungumálið, þekkja ekki réttindi sín og eru upp á kvalara sína komnar.
Kjarninn 10. desember 2018
Nichole Leigh Mosty
Eitt mikilvægasta skjal tuttugustu aldarinnar og undirstaða frelsis, réttlætis og friðar í heiminum
Leslistinn 10. desember 2018
Uber á leiðinni á hlutabréfamarkað
Bandaríska skutlfyrirtækið Uber stefnir á að skrá félagið á hlutabréfamarkað á næsta ári. Talið er að Uber gæti reynst allt að 120 milljarða dala virði í frumútboðinu. Lyft, helsti samkeppnisaðili Uber, stefnir einnig á skráningu á hlutabréfamarkað.
Kjarninn 10. desember 2018
Meira úr sama flokkiInnlent