Nem­endur í ung­menna­skólum (High School) um öll Banda­ríkin hafa í dag gengið út úr skóla­stof­um, með 17 mín­útna hléi, til minn­ingar um þá 17 sem lét­ust í skotárás á Marjory Sto­neman Dou­glas High School fyrir mán­uði síðan upp á dag.

Bekkj­ar­fé­lagar þeirra sem lét­ust hafa skipu­lagt mót­mælin og sam­stöðu­fundi. Þátt­takan hefur verið gríð­ar­leg, og mörg hund­ruð þús­und ung­menni hafa tekið þátt í aðgerðum og einnig sam­stöðu­fund­um, þar sem stjórn­völd í Banda­ríkj­unum er hvött til þess að end­ur­skoða byssu­lög­gjöf­ina í land­inu, með það að mark­miði að koma í veg fyrir byssu­árás­ir. 

Eins og kunn­ugt er, þá eru dauðs­föll vegna byssu­glæpa hvergi í þró­uðum ríkjum eins algeng og í Banda­ríkj­un­um. Um 3,8 af hverjum 100 þús­und íbúum deyja vegna byssu­glæpa, en algengt hlut­föll í öðrum þró­uðum ríkjum er á bil­inu 0,2 til 0,5. 

Á fund­unum í dag, hafa nem­endur hvatt stjórn­völd og yfir­völdum í hverju ríki, til þess að end­ur­skoða reglu­verk til að auka öryggi nem­enda. 

Bar­átta ung­menn­ana frá Flór­ída hefur nú þegar leitt til mik­illa breyt­inga, þegar kemur aðgengi ung­menna að byss­um. Þannig hefur Wal­Mart, stærsti versl­un­ar­rek­andi Banda­ríkj­anna og heims­ins alls, ákveðið að hækka lág­marks­aldur byssu­kaup­enda úr 18 í 21 ár og tekið úr sölu margar teg­undir skot­vopna og skot­færa. Í til­kynn­ingu frá stjórn fyr­ir­tæk­is­ins sagði hún, að bar­átta ung­menna í Banda­ríkj­unum hefði náð eyrum stjórn­ar­innar og að það væri mat henn­ar, að Wal­Mart þyrfti að sýna meiri ábyrgð.

Mót­mæla­fundir eru skipu­lagðir 24. mars, og eru stór mót­mæli fyr­ir­huguð í Was­hington DC þar sem stjórn­völd verða minnt á ábyrgð sína, þegar kemur að byssu­lög­gjöf­inni.