Stúlkur velja frekar spænsku en piltar þýsku

Samkvæmt upplýsingum frá Hagstofunni vilja framhaldsskólanemar helst læra þýsku og spænsku sem þriðja tungumál.

Skóli
Auglýsing

Á árunum 2015 til 2017 voru spænska og þýska þau tungu­mál sem flestir lærðu sem þriðja erlenda tungu­málið líkt og fyrri ár. Skóla­árið 2012 til 2013 lærðu í fyrsta skipti fleiri nem­endur spænsku en þýsku og hefur sú þróun haldið áfram síð­ustu ár. Alls lærðu 4.200 nem­endur spænsku skóla­árið 2016 til 2017 en 3.837 nem­endur lærðu þýsku. Stúlkur læra frekar spænsku en um það bil 2.500 stúlkur voru skráðar í spænsku­á­fanga hvert skólaár frá 2015 til 2017 á móti um það bil 1.900 stúlkum í þýsku. Hjá piltum er þýska vin­sælli en spænska en tæp­lega 1.900 piltar lærðu þýsku á árunum 2015 til 2017 á móti rúm­lega 1.600 piltum í spænsku.

Þetta kemur fram í frétt Hag­stof­unnar

Jafn­framt segir að breyt­ing hafi orðið skóla­árið 2014 til 2015 að piltar sem lærðu erlend tungu­mál hafi verið fleiri en stúlk­ur, þótt mun­ur­inn hafi verið óveru­leg­ur. Á skóla­ár­inu 2015 til 2016 fækk­aði piltum sem lærðu erlend tungu­mál um tæp þrjú pró­sentu­stig. Hlut­fall stúlkna sem lærðu erlend tungu­mál stóð hins vegar í stað og eru stúlkur því aftur orðnar fleiri en piltar í tungu­mála­námi.

Auglýsing

Fram­halds­skóla­nem­endum sem læra erlend tungu­mál fækkar lít­il­lega

Skóla­árið 2015 til 2016 lærðu 70,8 pró­sent fram­halds­skóla­nema að minnsta kosti eitt erlent tungu­mál og var það fækkun um 1,4 pró­sentu­stig milli ára. Hlut­falls­lega fjölg­aði nem­endum í tungu­mála­námi svo aftur lít­il­lega skóla­árið 2016 til 2017, þegar 71,6 pró­sent fram­halds­skóla­nem­enda lærðu að minnsta kosti eitt erlent tungu­mál. Hlut­fall nem­enda sem lærðu erlend tungu­mál var á bil­inu 72 til 74 pró­sent skóla­árin 2003 til 2015. Sam­kvæmt tölum sem hér birtast, úr gagna­söfnun Hag­stof­unnar fyrir skóla­árin 2015 til 2016 og 2016 til 2017, eru því vís­bend­ingar um að nem­endum í tungu­mála­námi fari fækk­andi.

Þegar fjölda­tölur eru skoð­aðar hefur nem­endum sem læra erlend tungu­mál fækkað úr 17.400 skóla­árið 2014 til 2015 í tæp 16.200 skóla­árið 2016 til 2017 sem er í sam­ræmi við um 1.500 nem­enda fækkun á fram­halds­skóla­stigi á tíma­bil­inu. Í mörgum fram­halds­skólum tók breytt skipu­lag náms­brauta til stúd­ents­prófs gildi haustið 2015, þar sem nám til stúd­ents­prófs var stytt. Þar með fækk­aði áföngum í erlendum tungu­málum sem nem­endur þurfa að taka til stúd­ents­prófs og gæti það að hluta til skýrt fækkun nem­enda í tungu­mála­námi.

Vin­sældir kín­versku­náms aukast

Flestir fram­halds­skóla­nem­endur lærðu ensku og voru þeir 13.683 skóla­árið 2015 til 2016 og 13.405 árið eft­ir. Næst­flestir nem­endur lærðu dönsku, 6.509 tals­ins skóla­árið 2015 til 2016 og 5.964 skóla­árið 2016 til 2017. Nem­endum í dönsku fækk­aði þó tölu­vert milli ára, eða um tæp­lega 17 pró­sentu­stig frá skóla­ár­inu 2014-2015 til 2016–2017. Vin­sældir kín­versku­náms í fram­halds­skóla hafa auk­ist en skóla­árið 2015 til 2016 lærðu 24 nem­endur kín­versku, 14 piltar og 10 stúlk­ur. Á skóla­ár­inu 2016 til 2017 voru nem­end­urnir 18. Áður höfðu mest 18 nem­endur verið skráðir í kín­versku skóla­árið 2010 til 2011.

Að með­al­tali lærðu nem­endur í fram­halds­skólum 1,31 tungu­mál á ári 2015 til 2017 sem er sam­bæri­legt við fyrri skóla­ár. Flestir nem­endur læra tvö tungu­mál á sama skóla­ári, eða um 45 pró­sent þeirra nem­enda sem læra tungu­mál, og hefur það hlut­fall hald­ist svo til óbreytt frá 2013 til 2014.

BrewDog opnar í Reykjavík
Skoska brugghúsið BrewDog mun opna á horni Frakkastígs og Hverfisgötu í sumar.
Kjarninn 23. apríl 2018
Eimskip er skráð í Kauphöll Íslands.
50 milljón króna stjórnvaldssekt FME á Eimskip stendur
Héraðsdómur hefur hafnað öllum kröfum Eimskip í máli sem höfðað var vegna stjórnvaldssektar sem Fjármálaeftirlitið lagði á fyrirtækið fyrir að birta ekki innherjaupplýsingar úr rekstri sínum nægilega snemma.
Kjarninn 23. apríl 2018
Benedikt Jóhannesson mun kynna skýrslu Talnakönnunar um kaupauka hjá íslenskum fyrirtækjum á fundi sem haldinn er í hádeginu á morgun.
Um 70 prósent stórra fyrirtækja með kaupaukakerfi
Samkvæmt könnun sem Talnakönnun hefur gert eru um 70 prósent af 20 stórum fyrirtækjum sem skráð eru á markað eða eru bankar, með kaupaukakerfi. Laun forstjóra hafa hækkað mikið á skömmum tíma.
Kjarninn 23. apríl 2018
Á heitum degi í hjarta kalda stríðsins
Auður Jónsdóttir og Bára Huld Beck röltu á heitum sunnudegi um sögufrægt svæði í Berlín, Tempelhof-flugvöll og nágrenni, áður hjarta kalda stríðsins en nú hjarta Berlínar-búa í sumarskapi.
Kjarninn 23. apríl 2018
Samtal við samfélagið
Samtal við samfélagið
Samtal við samfélagið – Ójöfnuður í menntun á Norðurlöndunum?
Kjarninn 23. apríl 2018
Getur Facebook haft áhrif á íslenskar kosningar?
Facebook hefur birt hnapp á kjördag í kosningum, meðal annars á Íslandi, sem notendur merkja við þegar þeir hafa greitt atkvæði. Fjölmiðlanefnd hefur áhyggjur af áhrifum hnappsins. Þingmenn segja mikilvægt að fá nánari svör um tilgang hans og áhrif.
Kjarninn 23. apríl 2018
Hópurinn Hvar er Haukur
Opið bréf til Katrínar Jakobsdóttur
Kjarninn 23. apríl 2018
Ljósmæður leggja niður störf
Harðar kjaradeilur ljósmæðra og ríkisins eru langt í frá að leysast.
Kjarninn 23. apríl 2018
Meira úr sama flokkiInnlent