Óhætt er að segja Face­book hafi upp­lifað vonda daga að und­an­förnu. Meira en 58 millj­arðar Banda­ríkja­dala, jafn­virði um 6 þús­und millj­arða króna, hafa gufað upp af mark­aðsvirð­inu, og ekki eru enn kurl komin til grafar enn­þá. 

Ástæðan er skandall­inn sem snýr að fyr­ir­tæk­inu Cambridge Ana­lyt­ica, sem talið er að hafi kom­ist yfir gögnum um not­endur Face­book, alls um 50 millj­ón­ir, og nýtt gögnin til að hjálpa við­skipta­vinum sínum í kosn­inga­bar­átt­um, þar á meðal fram­boði Don­alds Trumps í Banda­ríkj­unum og Brex­it-sinnum í Brexit kosn­ing­unum í Bret­landi.

Mark Zucker­berg, stofn­andi og for­stjóri Face­book, hefur lofað því að bæta fyrir þau mis­tök sem fyr­ir­tækið hafi gert. 

Þessi umræða hefur hreyft við fjöl­mörgum not­endum og fyr­ir­tækjum einnig. Umræða undir myllu­merk­inu #Del­et­eFace­book hefur þó nokk­ur, en með því voru not­endur upp­haf­lega hvattir til þess eyða Face­book aðgangi sín­um.

Einn þeirra sem hefur tekið þetta alvar­lega, er stofn­andi og for­stjóri Tesla Motors og Space X, Elon Musk. Hann ákvað í gær að eyða bæði Face­book síðu Tesla og Space X. Síð­urnar voru með 2,5 millj­ónir fylgj­enda hvor, en hann lét sér fátt um finn­ast þegar hann gerði þetta, og til­kynnti um það á Twitt­er.