NATO hyggst senda sjö rúss­neska erind­reka heim úr höf­uð­stöðv­unum í Brus­sel, og með því sína sam­stöðu með Bretum og fleiri þjóð­um, Íslend­ingum þar á með­al, sem hafa tekið þátt í þving­un­ar­að­gerðum gegn Rússum að und­an­förnu.

Ástæðan er tauga­eit­ursárásin á njósn­ar­ann Sergei Skripal og dóttur hans í Bret­landi en þau liggja þungt haldin á sjúkra­húsi.

Jens Stol­ten­berg sagði í til­kynn­ingu sinni að hann myndi einnig koma í veg fyrir að þrír Rússar fengju starf hjá NATO, og því mun rúss­neskum erind­rekum fækka úr 30 í 20. Frá því að Rússar inn­lim­uðu Krím­skaga og lögðu hann undir sig, hafa nú 60 Rússar verið sendir frá NATO. 

Rússar hafa harð­lega mót­mælt aðgerð­unum sem bein­ast gegn þeim, og hafa þeir sakað Breta og Banda­ríkja­menn um að grafa undan sam­stöðu í Evr­ópu. Sergei Lavrov, utan­rík­is­ráð­herra, segir allt sé nú breytt í sam­skiptum Rússa við aðrar þjóðir og allt traust far­ið. Hann, og stjórn­völd í Rúss­landi, hafa neitað því ein­dregið að standa að baki árásinni og segir að Rússar muni svara fyrir sig. 

Nú þegar eru í gildi efna­hags­þving­anir gagn­vart Rússum, og hafa eignir val­inna rúss­neskra fjár­festa verið frystar víða um heim, meðal ann­ars í Banda­ríkj­un­um. Rússar hafa brugð­ist við þessu með við­skipta­banni á þjóð­ir, þar sem inn­flutn­ings­bann hefur verið sett á mat­væli og fleiri vör­ur. Frá því árið 2015 hefur það verið í gildi, meðal ann­ars gagn­vart Íslandi. Á und­an­förnum árum hafa við­skipti Íslands og Rúss­lands farið vax­andi, einkum með mak­ríl og aðrar sjáv­ar­af­urð­ir, og hefur umfangið farið mest í um 20 millj­arða á ári.