Óstað­settum í Reykja­vík, þeim sem eru ekki með skráð lög­heim­ili eða býr á göt­unni, fjölg­aði um 74 pró­sent á frá byrjun árs 2014 og fram að síð­ustu ára­mót­um. Þeir eru nú 661 tals­ins og hafa aldrei verið fleiri. Í fyrra fjölg­aði þeim um 23,7 pró­sent alls. Þetta kemur fram í nýbirtum tölum Hag­stofu Íslands um mann­fjölda eftir byggð­ar­kjörn­um.

Í­búum í Reykja­vík hefur fjölgað um 3,7 pró­sent frá byrjun árs 2014 og fram til síð­ustu ára­móta. Alls bjuggu 124.847 manns í höf­uð­borg­inni í byrjun þessa árs sam­kvæmt töl­un­um. Á sama tíma­bili fjölg­aði íbúum Hafn­ar­fjarðar um 7,5 pró­sent, íbúum Garða­bæjar um 10,6 pró­sent og íbúum  Kópa­vogs um 13,5 pró­sent.

Flestir búa í 105

Fjöl­menn­asta hverfi borg­ar­inn­ar, sam­kvæmt skil­grein­ingu Hag­stof­unn­ar, er Vest­ur­bær-­Syðri, þar sem búa 10.831. Íbúum þar hefur fjölgað um 3,4 pró­sent frá því í byrjun árs 2014. Næst fjöl­menn­asta hverfið er Efra-Breið­holt. Þar bjuggu 9.481 í upp­hafi árs 2018 og hafði íbúum þar fjölgað um 7,5 pró­sent frá byrjun árs 2014. Í þriðja sæti var Selja­hverfið með 8.502 íbúa. Þar hefur fjölgað um 3,3 pró­sent frá byrjun árs 2014.

Í tölum Hag­stofu Íslands er einnig hægt að sjá fjölda íbúa eftir póst­núm­er­um. Þar sést að flestir höf­uð­borg­ar­búa búa í póst­núm­eri 105, eða 17.229 tals­ins. Þeim hefur fjölgað um 6,2 pró­sent á þessu sveita­stjórn­ar­kjör­tíma­bili. Innan þess póst­núm­ers er meðal ann­ars að finna Hlíð­ar, hluta Laug­ar­dals, Álfta­mýri og Múla­hverf­ið. Póst­núm­erið teygir sig auk þess alla leið niður að Snorra­braut og Norð­ur­mýrin er því einnig innan þess póst­núm­ers.

Næst fjöl­menn­asta póst­núm­erið er 112, eða Graf­ar­vog­ur. Þar búa 16.931 og íbúum þar hefur fækkað um eitt pró­sent á kjör­tíma­bil­inu.

í þriðja sæti er póst­númer 101, sem nær yfir mið­borg­ina og hluta vest­ur­bæj­ar­ins.

Þar búa 15.692 manns eða tæpu pró­senti færri en bjuggu þar í byrjun árs 2014.

Öll íbúa­fjölgun vegna útlend­inga

Kjarn­inn hefur áður greint frá því að öll íbú­a­­fjölgun í Reykja­vík í fyrra var vegna erlendra rík­­is­­borg­­ara sem fluttu til borg­­ar­inn­­ar. Erlendum rík­is­borg­urum sem búa í höf­uð­borg­inni fjölg­aði um 3.140 í fyrra og eru nú 15.640 tals­ins.

Í þeirri umfjöllun kom einnig fram að erlendum íbúum höf­uð­borg­ar­innar hefur fjölgað um 70 prósent frá því í byrjun árs 2012