Virði Spotify var um 30 millj­arðar Banda­ríkja­dala, sem nemur um 3 þús­und millj­örðum króna, við upp­haf við­skipta með bréf félags­ins í kaup­höll­inni í New York í dag. Fyrsta við­skipta­degi félags­ins hafði verið beðið með mik­illi eft­ir­vænt­ingu enda þótti skrán­ing félags­ins óvenju­lega stórt skref fyrir félag­ið, að mörgu leyt­i. 

Það hefur aldrei skilað hagn­aði, en fjár­munum félags­ins hefur verið eytt í vöxt fyrst og fremst. Spotify hefur á starfs­tíma sínum sótt sér um 2,7 millj­arða Banda­ríkja­dala í fjár­mögn­un, bæði láns- og hluta­fé. 

Stærstu hlut­hafar eru meðal ann­ars fjár­fest­inga­sjóð­ur­inn Tencent, Sony Music, Tiger Global og TCV sjóð­ur­inn. Tapið í fyrra nam meira en 150 millj­örðum króna, en engu að síður segja stjórn­endur félags­ins að félagið sé að halda áætl­unum og gott bet­ur. Tekjur muni aukast og tapi verði snúið í hagn­að, áður en langt um líð­ur.

Áskrif­endur að þjón­ustu Spotify eru nú yfir 70 millj­ón­ir, en fyr­ir­tækið ráð­gerir að stækka enn meira og hraðar á næstu árum, ekki síst í Asíu. Helsti sam­keppn­is­að­il­inn er Apple en áskrif­endur að tón­list­ar­þjón­ustu fyr­ir­tæk­is­ins eru 38 millj­ón­ir.

Spotify hóf starf­semi 7. októ­ber 2008, á afar víð­sjár­verðum tímum í fjár­mála­heim­in­um. Þá römbuðu mark­aðir til falls víða um heim, en félagið hefur á tæpum tíu árum vaxið jafnt og þétt og eru glæsi­legar höf­uð­stöðvar félags­ins í Stokk­hólmi. 

Virði félags­ins er nú á við fjór­falt virði íslenska hluta­bréfa­mark­að­ar­ins í heild sinni, en virði hans er nú um 780 millj­arðar króna.